പാലക്കാട്: എന്‍.ഡി.എയുടെ തെരഞ്ഞെടുപ്പ് പ്രചാരണത്തിനായി പ്രധാനമന്ത്രി നരേന്ദ്രമോദി 29 ന് പാലക്കാട്ടെത്തും. 29 ന് ഉച്ചയ്ക്ക് 2 ന് ശേഷം കോട്ടമൈതാനത്ത് നടക്കുന്ന എന്‍.ഡി.എ തെരഞ്ഞെടുപ്പ് സമ്മേളനം പ്രധാനമന്ത്രി ഉദ്ഘാടനം ചെയ്യും. ഹെലികോപ്റ്ററില്‍ പാലക്കാട് മേഴ്‌സി കോളജ് ഗ്രൗണ്ടിലെത്തുന്ന മോദി അവിടെ നിന്ന് റോഡ്മാര്‍ഗമാണ് കോട്ടമൈതാനത്തെത്തുക. 

പ്രധാനമന്ത്രിയുടെ വരവിന് മുന്നോടിയായി 28 ന് ട്രയല്‍റണ്‍ നടക്കുന്നതിനാല്‍ മേഴ്‌സി കോളജ് മുതല്‍ കോട്ടമൈതാനം വരെ ഇതര വാഹനങ്ങള്‍ കടത്തിവിടില്ല. 

സുരക്ഷാ ക്രമീകരണങ്ങളുടെ ഭാഗമായി ഞായറാഴ്ച രാവിലെ മുതല്‍ പരിപാടി അവസാനിക്കുന്നതുവരെ പ്രധാന റോഡുകളില്‍ വാഹനഗതാഗതത്തിന് നിയന്ത്രണമുണ്ടാകും. അന്നേ ദിവസം വാഹനങ്ങള്‍ വിവിധ റോഡുകളിലൂടെ വഴിതിരിച്ചുവിടും.

ALSO READ: മൊബൈൽ റീചാർജ് വാലിഡിറ്റി ആദ്യം വാർത്തയാക്കിയത് സുപ്രഭാതം; അഭിനന്ദനങ്ങളുമായി കൊടിക്കുന്നിൽ സുരേഷ് എം.പി

പ്രധാന നിര്‍ദ്ദേശങ്ങള്‍

•  വടക്കഞ്ചേരി, ആലത്തൂര്‍, കുഴല്‍മന്ദം ഭാഗത്തു നിന്നുള്ള സ്വകാര്യ ബസുകള്‍ ദേശീയപാത ചന്ദ്രനഗര്‍ വഴി സ്റ്റേഡിയം സ്റ്റാന്‍ഡിലെത്തി മടങ്ങണം. കെഎസ്ആര്‍ടിസി ബസുകള്‍ കണ്ണനൂരില്‍ നിന്നു തിരിഞ്ഞ് തിരുനെല്ലായി തങ്കം ജംക്ഷന്‍, യാക്കര, തോട്ടിങ്കല്‍ വഴി കെഎസ്ആര്‍ടിസി സ്റ്റാന്‍ഡിന്റെ പിറകുവശം വഴി എത്തി തിരിച്ചുപോകണം.
•  കോയമ്പത്തൂര്‍, പൊള്ളാച്ചി ഭാഗത്തു നിന്നുള്ള കെഎസ്ആര്‍ടിസി, തമിഴ്‌നാട് ബസുകള്‍ കാഴ്ചപ്പറമ്പ്, പുഴയ്ക്കല്‍, യാക്കര ഡിപിഒ വഴി കെഎസ്ആര്‍ടിസി സ്റ്റാന്‍ഡിലെത്തി തിരിച്ചുപോകണം.
•  കൊടുമ്പ്, ചിറ്റൂര്‍, കൊല്ലങ്കോട്, നെന്മാറ, പുതുനഗരം, പെരുവെമ്പ്, കൊടുവായൂര്‍ ഭാഗത്തു നിന്നുള്ള ബസുകളും ഇതര വാഹനങ്ങളും കാടാങ്കോട്ടു നിന്നു തിരിഞ്ഞു ദേശീയപാത ചന്ദ്രനഗര്‍ കല്‍മണ്ഡപം വഴി സ്റ്റേഡിയം സ്റ്റാന്‍ഡിലാണ് എത്തേണ്ടത്.
• തേങ്കുറുശ്ശി, നെന്മാറ ഭാഗത്തു നിന്നുള്ള വാഹനങ്ങള്‍ കാഴ്ചപ്പറമ്പ് ജംക്ഷനില്‍ നിന്നു വലത്തോട്ടു തിരിഞ്ഞ് ദേശീയപാത ചന്ദ്രനഗര്‍ വഴി സ്റ്റേഡിയം സ്റ്റാന്‍ഡിലെത്തണം.
• പൂടൂര്‍, കോട്ടായി, ഒറ്റപ്പാലം, ഷൊര്‍ണൂര്‍, പട്ടാമ്പി ഭാഗത്തു നിന്നുള്ള ബസുകളും വാഹനങ്ങളും മേപ്പറമ്പ്, പേഴുങ്കര, ചുണ്ണാമ്പുതറ, വിക്ടോറിയ കോളജ്, താരേക്കാട് വഴി മുന്‍സിപ്പല്‍, സ്റ്റേഡിയം സ്റ്റാന്‍ഡുകളിലെത്തണം.
• കോഴിക്കോട്, മണ്ണാര്‍ക്കാട്, ചെര്‍പ്പുളശ്ശേരി ഭാഗത്തു നിന്നുള്ള കെഎസ്ആര്‍ടിസി ബസുകള്‍ ഒലവക്കോട് ശേഖരീപുരം ബൈപാസ്, കല്‍മണ്ഡപം, ചന്ദ്രനഗര്‍ വഴി ദേശീയപാതയിലെത്തി കാഴ്ചപ്പറമ്പ്, പുഴയ്ക്കല്‍, യാക്കര, ഡിപിഒ റോഡ് വഴി കെഎസ്ആര്‍ടിസി സ്റ്റാന്‍ഡിലെത്തി മടങ്ങണം. സ്വകാര്യ ബസുകള്‍ ഒലവക്കോട്, ശേഖരീപുരം, വിക്ടോറിയ കോളജ്, താരേക്കാട് വഴി മുനിസിപ്പല്‍, സ്റ്റേഡിയം സ്റ്റാന്‍ഡുകളില്‍ എത്തി തിരിച്ചുപോകണം.
•  യാത്രക്കാര്‍ നിര്‍ദേശിച്ച വഴികളിലൂടെ മാത്രമേ യാത്ര ചെയ്യാവൂ. അത്യാവശ്യ സാഹചര്യങ്ങളില്‍ മാത്രമേ നഗരത്തിലേക്കു പ്രവേശിക്കാവൂ എന്നും പൊലീസ് അഭ്യര്‍ഥിച്ചു.

Ahead of the Prime Minister’s visit to Palakkad on March 29, authorities have announced traffic restrictions and vehicle diversions over the weekend. Special security arrangements will be in place on Saturday and Sunday, affecting regular traffic movement in key areas.