പിഎഫ് സഖ്യ എടിഎം വഴിയും, യു.പി.ഐ വഴിയും പിന്‍വലിക്കാന്‍ സൗകര്യമൊരുങ്ങുന്നു. രാജ്യത്തെ എട്ടുകോടിയോളം വരുന്ന ഇപിഎഫ്ഒ വരിക്കാര്‍ക്ക് ആശ്വാസകരമായ നടപടി 2026 പകുതിയോടെ പൂര്‍ണ്ണമായി നടപ്പിലാക്കും. പിഎഫ് ഇടപാടുകള്‍ കൂടുതല്‍ സുതാര്യവും, ഡിജിറ്റലുമാക്കുന്നതിനായാണ് കഴിഞ്ഞ വര്‍ഷം ഇപിഎഫ്ഒ 3.0 പദ്ധതി ആരംഭിച്ചത്. 

ആധുനിക സാങ്കേതികവിദ്യയുടെ സഹായത്തോടെ പി.എഫ് ക്ലെയിമുകള്‍ വേഗത്തിലാക്കുക, ഫണ്ട് കൈമാറ്റം ലളിതമാക്കുക എന്നിവയാണ് ഇതിലൂടെ ലക്ഷ്യമിടുന്നത്. പിഎഫ് അക്കൗണ്ടിലെ ആകെ ബാലന്‍സിന്റെ 50 ശതമാനം വരെയാണ് ഇത്തരത്തില്‍ പിന്‍വലിക്കാന്‍ സാധിക്കൂ. പരമാവധി പിന്‍വലിക്കല്‍ തുകയെ സംബന്ധിച്ച് അന്തിമ മാര്‍ഗനിര്‍ദേശം ഉടന്‍ പുറപ്പെടുവിക്കും. ഇതിനായി പിഎഫ് അക്കൗണ്ടുമായി നേരിട്ട് ബന്ധിപ്പിച്ച പ്രത്യേക എടിഎം കാര്‍ഡുകള്‍ വരിക്കാര്‍ക്ക് നല്‍കും. ബാങ്ക് അക്കൗണ്ടുകളില്‍ നിന്ന് പണം കൈമാറുന്നതുപോലെ യുപിഐ വഴി പിഎഫ് ബാലന്‍സ് ട്രാന്‍സ്ഫര്‍ ചെയ്യാനും സാധിക്കും. 

ALSO READ: വിജയത്തിന്റെ ശോഭ കെടുത്തരുത്'; ചേരിതിരിഞ്ഞുള്ള പ്രകടനങ്ങളും ഫ്ലക്സുകളും വേണ്ട; പ്രവർത്തകർ അച്ചടക്കം പാലിക്കണമെന്ന് വി.ഡി. സതീശൻ 

സേവനം ഉപയോഗപ്പെടുത്തുന്നതിനായി വരിക്കാരന് ഒരു യുഎഎന്‍ നമ്പര്‍ ഉണ്ടായിരിക്കണം. ഈ അക്കൗണ്ട് ആധാര്‍, പാന്‍ എന്നിവയുമായി ബന്ധിപ്പിച്ചിരിക്കണം. ബാങ്ക് അക്കൗണ്ട് നമ്പറും ഐഎഫ്എസ് സി (IFSC) കോഡും കൃത്യമായി നല്‍കിയിരിക്കണം. 

പുതിയ പദ്ധതി രാജ്യത്തെ 7.98 കോടി ഇപിഎഫ്ഒ അംഗങ്ങള്‍ക്ക് ആശ്വാസകരമാണ്. 

PF money can be withdrawn through ATMs; UPI transfers can also be made.