റിയാദ്: സഊദി അറേബ്യയിൽ വിവിധ വിസകളിൽ എത്തി കാലാവധി കഴിഞ്ഞവർക്ക് താമസം ക്രമപ്പെടുത്തുന്നതിനും പിഴയില്ലാതെ മടങ്ങുന്നതിനും വൻ ഇളവുകൾ പ്രഖ്യാപിച്ച് ജനറൽ ഡയറക്ടറേറ്റ് ഓഫ് പാസ്‌പോർട്ട്. നിലവിലെ സാഹചര്യം കണക്കിലെടുത്താണ് ആഭ്യന്തര മന്ത്രാലയത്തിന്റെ തീരുമാനം. രാജ്യം വിടാൻ കഴിയാത്ത വിദേശികൾക്ക് ഈ നീക്കം വലിയ ആശ്വാസമാകും. ഇതുപ്രകാരം 2026 ഫെബ്രുവരി 25ന് മുമ്പായി കാലാവധി കഴിഞ്ഞ എല്ലാത്തരം വിസിറ്റ് വിസകൾ, ഉംറ വിസ, ട്രാൻസിറ്റ് വിസ, ഫൈനൽ എക്സിറ്റ് വിസ എന്നിവ കൈവശമുള്ളവർക്ക് ഈ ആനുകൂല്യം ലഭിക്കും.

ALSO READ: ഹായിലിൽ വസന്തമൊരുക്കി കനത്ത മഴ; മലനിരകളിലേക്കും മണൽക്കുന്നുകളിലേക്കും സഞ്ചാരികളുടെ പ്രവാഹം

വിസ കാലാവധി കഴിഞ്ഞവർക്ക് വിസ പുതുക്കാതെയും പിഴയോ മറ്റ് ലേറ്റ് ഫീസുകളോ നൽകാതെയും നേരിട്ട് സ്വന്തം രാജ്യങ്ങളിലേക്ക് മടങ്ങാവുന്നതാണ്. രാജ്യത്ത് തുടരാൻ ആഗ്രഹിക്കുന്നവർക്ക് ഏപ്രിൽ 18 വരെ വിസ കാലാവധി നീട്ടിനൽകാനും അവസരമുണ്ട്. ഇതിനായി ഹോസ്റ്റ് മുഖേന അബ്ഷർ പ്ലാറ്റ്‌ഫോം വഴി നിശ്ചിത ഫീസ് അടച്ച്  അപേക്ഷിക്കണം.

ആനുകൂല്യങ്ങൾ കണക്കിലെടുത്ത് ഏപ്രിൽ 18ന് മുമ്പായി രാജ്യം വിടുകയോ താമസം ക്രമപ്പെടുത്തുകയോ ചെയ്യണം. കാലാവധിയ്ക്ക് ശേഷം ഇവർക്കെതിരേ കർശന നടപടികൾ സ്വീകരിക്കുമെന്ന് മന്ത്രാലയം മുന്നറിയിപ്പ് നൽകി. കൂടുതൽ വിവരങ്ങൾക്ക് 992 എന്ന ഏകീകൃത നമ്പറിൽ ബന്ധപ്പെടാവുന്നതാണെന്ന് അധികൃതർ വ്യക്തമാക്കി.

Saudi Arabia's Transport General Authority (TGA) has announced major reforms in the freight sector to boost efficiency. Licensed transport companies can now directly undertake third-party contracts until September 25. Key updates include the integration of the 'Logisti' platform for transparency, an extension of truck operational lifespans to 22 years, and new permissions for empty refrigerated trucks from GCC countries to enter the Kingdom.