നന്തിബസാര്‍: മൂടാടി പഞ്ചായത്തില്‍ കുടുംബശ്രീ എല്‍.ഇ.ഡി ഉല്‍പന്നങ്ങള്‍ വിപണിയിലിറക്കി. രണ്ടാം വാര്‍ഡ് കുടുംബശ്രീ എ.ഡി.എസ് ആണ് സ്റ്റാര്‍ലൈറ്റ് എന്ന പേരില്‍ എല്‍.ഇ.ഡി ബള്‍ബുകള്‍, ട്യൂബുകള്‍, എമര്‍ജന്‍സി ലൈറ്റുകള്‍, സ്ട്രീറ്റ് ലൈറ്റുകള്‍, ഡക്കറേഷന്‍ ബള്‍ബുകള്‍ എന്നിവ നിര്‍മിച്ചു വില്‍പന നടത്തുന്നത്. ഒരു വര്‍ഷം മുതല്‍ രണ്ടു വര്‍ഷം വരെ ഗ്യാരണ്ടി നല്‍കുന്നതാണിവ.
നന്തി ടൗണില്‍ നടന്ന ചടങ്ങില്‍ കെ. ദാസന്‍ എം.എല്‍.എ വിപണനോദ്ഘാടനം നിര്‍വഹിച്ചു. പഞ്ചായത്ത് പ്രസിഡന്റ് ഷീജ പട്ടേരി അധ്യക്ഷയായി. പി.കെ ഷീജ, ഹര്‍ഷലത, വി.വി സുരേഷ്, കെ. ജീവാനന്ദന്‍, സുധര്‍മ, ശ്രീലത സംസാരിച്ചു.