ഡൽഹി ജാമിയ മില്ലിയ്യ ഇസ്‌ലാമിയയുടെ സൗജന്യ യുപിഎസ്‌സി സിവിൽ സർവീസ് പരിശീലനത്തിന് ഇപ്പോൾ അപേക്ഷിക്കാം. പ്രവേശന പരീക്ഷ നടത്തിയാണ് അഡ്മിഷൻ. രാജ്യത്തെ 13 നഗരങ്ങളിൽ പരീക്ഷ കേന്ദ്രങ്ങളുണ്ട്. അതിൽ കോഴിക്കോടും ഉൾപ്പെടും. മേയ് 26ന് മുൻപായി അപേക്ഷിക്കണം.  

പ്രവേശന പരീക്ഷ

ജാമിയ മില്ലിയയുടെ 2026ലെ റെഡിഡൻഷ്യൽ കോച്ചിങ് സിവിൽ സർവീസസ് കോച്ചിങ് പ്രോഗ്രാമിനുള്ള എൻട്രൻ പരീക്ഷ ജൂൺ 6നാണ് നടക്കുക. കോഴിക്കോട്, ഡൽഹി, ജയ്പൂർ, ശ്രീനഗർ, ജമ്മു, ഹൈദരാബാദ്, ഗുവാഹത്തി, മുംബൈ, പട്‌ന, കൊൽക്കത്ത, ലക്‌നോ, ബെംഗളുരു, റാഞ്ചി എന്നിവിടങ്ങളിലാണ് പരീക്ഷ കേന്ദ്രങ്ങൾ. 

ALSO READ: റിയാദ് യൂണിവേഴ്സിറ്റി ഓഫ് ആർട്‌സിലേക്ക് മേയ് മാസം മുതൽ അപേക്ഷിക്കാം; ക്ലാസുകൾ സെപ്റ്റംബറിൽ ആരംഭിക്കും

പ്രവേശന പരീക്ഷയിൽ വിജയിക്കുന്ന വിദ്യാർഥികളെ ഇന്റർവ്യൂവിന് വിളിപ്പിക്കും. തുടർന്ന് അന്തിമ റാങ്ക് ലിസ്റ്റ് പ്രസിദ്ധികരിക്കും. സെപ്റ്റംബർ 1 മുതലാണ് ക്ലാസുകൾ ആരംഭിക്കക. 

തീയതികൾ

അപേക്ഷിക്കേണ്ട വിധം

താൽപര്യമുള്ളവർക്ക് admission.jmi.ac.in എന്ന വെബ്സെെറ്റ് മുഖേന അപേക്ഷ നൽകാം. ന്യൂനപക്ഷ സമുദായങ്ങൾ, പട്ടികജാതി, പട്ടികവർഗ വിഭാഗങ്ങൾ, സ്ത്രീകൾ എന്നിവിടങ്ങളിൽ നിന്നുള്ള ഉദ്യോഗാർത്ഥികളെ സിവിൽ സർവിസിന് തയ്യാറാക്കുക എന്ന ലക്ഷ്യത്തോടെയാണ് സൗജന്യ പരിശീലന പരിപാടി. ഹോസ്റ്റൽ സൗകര്യങ്ങളും ലൈബ്രറി സൗകര്യങ്ങളും ഇതോടൊപ്പം ലഭിക്കും. ബിരുദം പൂർത്തിയാക്കിയവരും 2027 ലെ സിവിൽ സർവീസ് പരീക്ഷക്ക് അപേക്ഷിക്കാൻ യോഗ്യതയുള്ളവരുമായ ഉദ്യോഗാർത്ഥികൾക്ക് മാത്രമേ പ്രവേശന പരീക്ഷക്ക് അപേക്ഷിക്കാൻ കഴിയൂ. ഏതെങ്കിലും സ്ഥാപനത്തിൽ റെഗുലർ കോഴ്‌സ് പഠിക്കുന്നവർക്കോ ഏതെങ്കിലും സ്ഥാപനത്തിൽ ജോലി ചെയ്യുന്നവർക്കോ ​പ്രവേശനം ലഭിക്കില്ല.

വിശദവിവരങ്ങൾക്ക് വിജ്ഞാപനം കാണുക. CLICK HERE 

കൂടൂതൽ ​Education വാർത്തകളറിയാൻ ഈ ഗ്രൂപ്പിൽ ജോയിൻ ചെയ്യുക