തളിപ്പറമ്പ്: ദേശീയപാതയില്‍ ചിറവക്ക് ഇറക്കത്തിലെ വളവില്‍ കണ്ടെയ്‌നര്‍ ലോറി വൈദ്യുതി തൂണ്‍ ഇടിച്ചു തകര്‍ത്തു താഴ്ചയിലേക്കു മറിഞ്ഞു. ഇന്നലെ പുലര്‍ച്ചെ നാലോടെയായിരുന്നു അപകടം. ഇടിയുടെ ആഘാതത്തില്‍ വൈദ്യുതി തൂണ്‍ പൂര്‍ണമായും തകര്‍ന്നു. സ്റ്റേ കമ്പിയില്‍ തങ്ങിയതിനാല്‍ വലിയ അപകടം ഒഴിവായി. ലോറിയിലുണ്ടായിരുന്ന ഡ്രൈവറും സഹായിയും നിസ്സാര പരുക്കുകളോടെ രക്ഷപെട്ടു. നൂറടിയിലേറെ താഴ്ചയുള്ള ഭാഗത്തേക്കു ലോറി വീഴാതിരിക്കാന്‍ അപകടം നടന്നയുടനെ കുപ്പം ഖലാസികള്‍ വടം കൊണ്ട് കെട്ടി നിര്‍ത്തിയിരുന്നു. അഗ്‌നിശമനസേനയും പൊലിസും സ്ഥലത്തെത്തി.