ഐപിഎല്ലിൽ മുംബൈ ഇന്ത്യൻസിനെതിരെ മിന്നും പ്രകടനം നടത്തിയ രാജസ്ഥാൻ റോയൽസ് ഓപ്പണർ യശ്വസി ജെയ്‌സ്വാളിനെ പ്രശംസിച്ച് മുൻ ഇന്ത്യൻ താരം ആർ. അശ്വിൻ. ജെയ്‌സ്വാളിന് ഈ സീസണിലെ ഓറഞ്ച് ക്യാപ് നേടാൻ സാധിക്കുമെന്നാണ് അശ്വിൻ പറഞ്ഞത്. തന്റെ യുട്യൂബ് ചാനലിലൂടെ സംസാരിക്കുകയായിരുന്നു മുൻ ഇന്ത്യൻ താരം. 

''ഇത്തവണ ഓറഞ്ച് ക്യാപ് നേടാനുള്ള ഏറ്റവും ശക്തനായ എതിരാളി ജെയ്‌സ്വാൾ ആണ്. ശുഭ്മൻ ഗില്ലിനെയും ഞാൻ ഇതേ സ്ഥാനത്തു തന്നെ നിലനിർത്തും. എന്നാൽ അദ്ദേഹത്തിന് ഒരു മത്സരം നഷ്ടമായി. അതുകൊണ്ട് ജെയ്‌സ്വാളിന് ഓറഞ്ച് ക്യാപ് നേടാൻ അവസരമുണ്ട്'' അശ്വിൻ പറഞ്ഞു. 

മുംബൈക്കെതിരെ 32 പന്തിൽ പുറത്താവാതെ 77 റൺസാണ് ജെയ്‌സ്വാൾ നേടിയത്. 10 ഫോറുകളും നാല് സിക്സുകളുമാണ് താരം നേടിയത്. മത്സരത്തിൽ ജെയ്സ്വാളിന് പുറമെ  വൈഭവ് 14 പന്തിൽ 39 റൺസാണ് അടിച്ചെടുത്തത്. ജസ്പ്രീത് ബുംറയും ട്രെന്റ് ബോൾട്ടും അടങ്ങുന്ന ലോകോത്തര ബൗളിംഗ് നിരയെ അനായാസമാണ് വൈഭവ് നേരിട്ടത്. ഒരു ഫോറും അഞ്ചു കൂറ്റൻ സിക്സുകളും അടങ്ങുന്നതാണ് വൈഭവിന്റെ പ്രകടനം. ക്യാപ്റ്റൻ റിയാൻ പരാഗ് 20 റൺസും നേടി. 

രാജസ്ഥാന്റെ ബൗളിങ്ങിൽ നന്ദ്രേ ബർഗർ, സന്ദീപ് ശർമ്മ, രവി ബിഷ്ണോയ് എന്നിവർ രണ്ട് വീതം വിക്കറ്റുകളും ജോഫ്ര ആർച്ചർ, തുഷാർ ദേശ്പാണ്ഡെ എന്നിവർ ഓരോ വിക്കറ്റും നേടിയപ്പോൾ മുംബൈ ബാറ്റിംഗ് 123 റൺസിൽ അവസാനിക്കുകയായിരുന്നു. മുംബൈക്കായി ഷെർഫാനെ റൂഥർഫോർഡ്. നമൻ ധീർ എന്നിവർ 25 റൺസ് നേടി പൊരുതി നിന്നു. 

മത്സരത്തിൽ മുംബൈ ഇന്ത്യൻസിനെ 27 റൺസിനാണ് രാജസ്ഥാൻ വീഴ്ത്തിയത്. രാജസ്ഥാൻ റോയൽസിന്റെ തട്ടകമായ ഗുഹാഹത്തിയിൽ നടക്കുന്ന മത്സരത്തിൽ മഴമൂലം 11 ഓവറാക്കി ചുരുക്കിയ മത്സരത്തിൽ ആദ്യം ബാറ്റ് ചെയ്ത രാജസ്ഥാൻ ഉയർത്തിയ 150 റൺസ് പിന്തുടർന്ന മുംബൈ ഇന്നിംഗ്സ് ഒമ്പത് വിക്കറ്റ് നഷ്ടത്തിൽ 123 റൺസിൽ അവസാനിക്കുകയായിരുന്നു. 

Former India player R. Ashwin praised Rajasthan Royals opener Yashwasi Jaiswal for his brilliant performance against Mumbai Indians in the IPL. Ashwin said that Jaiswal can win the Orange Cap this season.