കണ്ണൂര്‍: അഞ്ചരക്കണ്ടി കണ്ണൂര്‍ ഡെന്റല്‍ കോളജിലെ ബി.ഡി.എസ് വിദ്യാര്‍ഥി നിതിന്‍ രാജിന്റെ മരണവുമായി ബന്ധപ്പെട്ട് ആരോപണ വിധേയനായ ഡോ. എം.കെ റാമിനെ പുറത്താക്കുമെന്ന് കോളജ് അധികൃതര്‍. വിദ്യാര്‍ഥികളുടെ പരാതിയിലാണ് നടപടി. ചൊവ്വാഴ്ച്ച ചേര്‍ന്ന കോളജ് മാനേജ്‌മെന്റ് യോഗത്തിലാണ് ഡോ. റാമിനെ പുറത്താക്കാന്‍ തീരുമാനിച്ചത്. എന്നാല്‍ വിവരം കോളജ് അധികൃതര്‍ ഇതുവരെ ഔദ്യോഗികമായി അറിയിച്ചിട്ടില്ല. 

കേസിലെ പ്രതികള്‍ ഇപ്പോഴും ഒളിവില്‍ തന്നെയാണ്. ആരോപണ വിധേയനായ ഡോ. എം.കെ റാം, ഡോ. കെ.ടി സംഗീത എന്നിവരാണ് ഒളിവില്‍ തുടരുന്നത്. കേസന്വേഷണം തിടുക്കത്തില്‍ വേണ്ടെന്നും പരമാവധി തെളിവുകള്‍ ശേഖരിക്കാനുമാണ് അന്വേഷണ സംഘത്തിന്റെ നീക്കം. 

വരും ദിവസങ്ങളില്‍ നിതിന്‍ രാജിന്റെ സഹപാഠികളുടെയും മറ്റ് വിദ്യാര്‍ഥികളുടെയും മൊഴി അന്വേഷണ സംഘം ശേഖരിക്കും. അന്വേഷണ സംഘം കഴിഞ്ഞ ദിവസം നിതിന്‍ രാജിന്റെ വാടക വീട്ടിലെത്തി കുടുംബാംഗങ്ങളുടെ മൊഴിയെടുത്തിരുന്നു. 

അതേസമയം, കേസില്‍ ആരോപണ വിധേയനായ ഡോക്ടര്‍ എം.കെ റാമിനെതിരെ വിദ്യാര്‍ഥികള്‍ രംഗത്തെത്തി. ചെരിപ്പിട്ട് വന്നതിന് കോളനിയെന്ന് വിളിച്ചു. നിറം കൂടിയവരെ വെള്ളപാറ്റയെന്നും വിളിച്ചു. ചില വിദ്യാര്‍ഥികളെ കാണാന്‍ ഗോത്ര വര്‍ഗക്കാരനെ പോലെയുണ്ടെന്ന് പറഞ്ഞു. വിദ്യാര്‍ഥിനിയെ കൊണ്ട് ചെരുപ്പ് വച്ച് തല്ലാന്‍ പറഞ്ഞുവെന്നും വിദ്യാര്‍ഥികള്‍ ആരോപിക്കുന്നു. 

നിതിന്റെ വീട്ടില്‍ പോകുന്നത് സംബന്ധിച്ച് മാനേജ്‌മെന്റിനോട് ചോദിച്ചപ്പോള്‍ 'അറ്റ് യുവര്‍ ഓണ്‍ റിസക് ' എന്നാണ് മറുപടി പറഞ്ഞതെന്നും വിദ്യാര്‍ഥികള്‍ പറയുന്നു.

In a major development in the Nithin Raj death case, the college management has announced that Dr Ram, who is named as an accused, will be expelled from the institution. The decision comes amid growing protests and demands for strict action.