ന്യൂഡല്‍ഹി: ഡല്‍ഹി വിമാനത്താവളത്തില്‍ വിമാനങ്ങള്‍ തമ്മില്‍ കൂട്ടിയിടിച്ച സംഭവത്തില്‍ പൈലറ്റുമാര്‍ക്ക് സസ്പെന്‍ഷന്‍. 
സ്‌പൈസ് ജെറ്റ്, ആകാശ എയര്‍ വിമാനങ്ങള്‍ തമ്മിലാണ് കൂട്ടിയിടിച്ചത്. അപകടത്തിന് കാരണക്കാരെന്ന് ചൂണ്ടിക്കാട്ടി ്‌പൈസ് ജെറ്റ് വിമാനത്തിലെ പൈലറ്റ് ഇന്‍ കമാന്‍ഡിനെയും കോ-പൈലറ്റിനെയും അന്വേഷണവിധേയമായി ഡ്യൂട്ടിയില്‍ നിന്ന് മാറ്റിനിര്‍ത്തി.

വ്യാഴാഴ്ച ഉച്ചയ്ക്ക് ടെര്‍മിനല്‍ ഒന്നിലെ ടാക്‌സിവേയില്‍ വെച്ചായിരുന്നു സംഭവം. ലേയില്‍ നിന്നെത്തിയ സ്‌പൈസ് ജെറ്റ് വിമാനത്തിന്റെ ചിറക് ,നിര്‍ത്തിയിട്ടിരുന്ന ആകാശ എയര്‍ വിമാനത്തില്‍ തട്ടുകയായിരുന്നു. വിമാനങ്ങളുടെ ചിറകുകള്‍ക്കും വാല് ഭാഗത്തിനും കേടുപാടുകള്‍ സംഭവിച്ചു. എന്നാല്‍ യാത്രക്കാര്‍ക്ക് പ്രയാസങ്ങള്‍ ഉണ്ടായില്ല. അവര്‍ സുരക്ഷിതരാണെന്ന് ബന്ധപ്പെട്ടവര്‍ അറിയിച്ചു. 

ALSO READ: വനിതാ സംവരണ ബില്ല്: ലോക്‌സഭയിൽ ഇന്ന് വോട്ടെടുപ്പ്; മണ്ഡല പുനർനിർണ്ണയത്തെ എതിർത്ത് പ്രതിപക്ഷം

പ്രാഥമിക അന്വേഷണത്തില്‍ പൈലറ്റുമാരുടെ ഭാഗത്തുനിന്നുണ്ടായ ജാഗ്രതക്കുറവാണ് അപകടത്തിലേക്ക് നയിച്ചെന്നായിരുന്നു സൂചന.സംഭവത്തില്‍ വിശദമായ അന്വേഷണത്തിന് എയര്‍ക്രാഫ്റ്റ് ആക്സിഡന്റ് ഇന്‍വെസ്റ്റിഗേഷന്‍ ബ്യൂറോ (AAIB) ഉത്തരവിട്ടിട്ടുണ്ട്.

pilots suspended after spicejet aircraft wing hits akasa air plane at delhi airport taxiway, no injuries reported and probe underway