തിരുവനന്തപുരം: നെട്ടയം മലമുകളില്‍ ബിജെപി പ്രവര്‍ത്തകരും, നാട്ടുകാരും തമ്മില്‍ കൂട്ടത്തല്ല്. വൈകീട്ട് 6 മണിക്കാണ് ഇരുകൂട്ടരും ചേരിതിരിഞ്ഞ് പരസ്പരം ആക്രമിച്ചത്. രണ്ട് വീട്ടുകാര്‍ തമ്മിലുള്ള സംഘര്‍ഷം ബിജെപിക്കാര്‍ ഇടപെട്ട് വഷളാക്കിയെന്നാണ് നാട്ടുകാരുടെ ആരോപണം. 

സംഘര്‍ഷം പരിഹരിക്കാനെത്തിയ പൊലിസുകാര്‍ക്കും പരിക്കേറ്റിട്ടുണ്ട്. ബിജെപി പ്രവര്‍ത്തകയ്ക്ക് നേരെ നഗ്നത പ്രദര്‍ശനം നടത്തിയത് ചോദ്യം ചെയ്തതിനാണ് നാട്ടുകാര്‍ മര്‍ദിച്ചതെന്ന് ബിജെപി ആരോപിച്ചു. എന്നാല്‍ വിഷയം രാഷ്ട്രീയ സംഘര്‍ഷമാക്കി മുതലെടുപ്പ് നടത്താനാണ് ബിജെപി ശ്രമിക്കുന്നതെന്ന് നാട്ടുകാര്‍ പറഞ്ഞു. പ്രദേശത്തെ ഒരു യുവാവിനെ ബിജെപി പ്രവര്‍ത്തകര്‍ മര്‍ദിച്ചെന്നും, അത് ചോദ്യം ചെയ്തതാണ് കൂട്ടത്തല്ലില്‍ കലാശിച്ചതെന്നും നാട്ടുകാര്‍ പറഞ്ഞു. 

യുവാവിനെതിരെ ബിജെപി ഉയര്‍ത്തിയ ആരോപണം വ്യാജമാണെന്നും, ആര്‍എസ്എസ് ബിജെപി പ്രവര്‍ത്തകര്‍ കടന്നുകയറി ആക്രമിച്ചതാണെന്നും ആരോപണമുണ്ട്.

ALSO READ: വീണ്ടും സ്‌ഫോടനം; തമിഴ്‌നാട്ടില്‍  രക്ഷാപ്രവര്‍ത്തനത്തിനിടെ പടക്ക നിര്‍മാണശാലയില്‍ വീണ്ടും പൊട്ടിത്തെറി; 15 പേര്‍ക്ക് പരിക്ക്