ന്യൂഡല്‍ഹി: ജീവനക്കാര്‍ക്ക് 'പുതിയ വസ്ത്രധാരണ നയം' പുറത്തിറക്കി ലെന്‍സ്‌കാര്‍ട്ട്. ജീവനക്കാരുടെ വസ്ത്രധാരണ നിയമങ്ങളെചൊല്ലി വലിയ വിവാദവും പ്രതിഷേധവും ഉയര്‍ന്നതിന് പിന്നാലെയാണ് നടപടി. ലെന്‍സ്‌കാര്‍ട്ട് സ്റ്റോറുകളില്‍ ജീവനക്കാര്‍ തിലകവും ബിന്ദിയും ധരിക്കുന്നത് വിലക്കിക്കൊണ്ടുള്ള സ്‌റ്റൈല്‍ ഗൈഡ് ആണ് വിവാദത്തിനിടയാക്കിയത്.

ലെന്‍സ്‌കാര്‍ട്ട് ജീവനക്കാര്‍ക്ക് ചില മതചിഹ്നങ്ങള്‍ അനുവദിക്കുകയും മറ്റുള്ളവ നിരോധിക്കുകയും ചെയ്യുന്നു എന്നാരോപിച്ച് സ്‌ക്രീന്‍ഷോട്ടുകള്‍ പ്രചരിച്ചു.കമ്പനിയുടെ സ്‌റ്റൈല്‍ ഡൈഗില്‍നിന്നുള്ളതാണെന്ന അവകാശവാദത്തോടെയാണ് സ്‌ക്രീന്‍ ഷോട്ട് പങ്കുവെച്ചുരുന്നത്. പിന്നാലെ കമ്പനിക്കെതിരെ ഭീഷണി മുഴത്തി ബജ്‌റംഗ് ദള്‍ പ്രവര്‍തതകര്‍ രംഗത്തെത്തി. ഔട്ട്‌ലെറ്റുകള്‍ കയറിയിറങ്ങി അവിടുത്തെ ജീവനക്കാര്‍ക്ക് തിലകം തൊടീക്കുകയും കയ്യില്‍ ചരടണിയിക്കുകയും ചെയ്തു. ഇന്ത്യയുടെ സംസ്‌ക്കാരമാണിതെന്നും ലെന്‍സ്‌കാര്‍ട്ട് സ്റ്റൈല്‍ ഗൈഡ് പിന്‍വലിച്ച് മാപ്പു പറയണമെന്നും അവര്‍ ആവശ്യപ്പെട്ടു. ഇതിനായി രണ്ട് ദിവസത്തെ സമയവും അനുവദിച്ചു. ഇല്ലെങ്കില്‍ രാജ്യത്തുടനീളമുള്ള ഔട്ട്‌ലെറ്റുകള്‍ പൂട്ടിക്കുമെന്ന ഭീഷണിയും അവര്‍ മുഴക്കി. 'ബോയ്‌ക്കോട്ട് ലെന്‍സ്‌കാര്‍ട്ട്' ക്യാംപയിനും വ്യാപകമായി. പിന്നാലെയാണ് ക്ഷമാപണവുമായി ലെന്‍സ്‌കാര്‍ട്ട് രംഗത്തെത്തിയത്. കമ്പനി സ്ഥാപകന്‍ പിയൂഷ് ബന്‍സാല്‍ തന്നെ ക്ഷമാപണം നടത്തുകയായിരുന്നു. 

ALSO READ: ജമ്മു കശ്മീരിൽ ബസ് കൊക്കയിലേക്ക് മറിഞ്ഞ് അപകടം; 15 മരണം, നിരവധി പേർക്ക് പരുക്ക്

ഉപഭോക്താക്കളുടെയും സമൂഹത്തിന്റെയും ആശങ്കകള്‍ പരിഹരിക്കുന്നതിനായി തങ്ങളുടെ മാര്‍ഗ്ഗനിര്‍ദ്ദേശങ്ങള്‍ പരസ്യവും സുതാര്യവുമാക്കുകയാണെന്ന് കമ്പനി എക്‌സില്‍ കുറിച്ചു.

പുതിയ സ്‌റ്റൈല്‍ ഗൈഡില്‍ എല്ലാ മതചിഹ്നങ്ങള്‍ക്കും തുല്യ പരിഗണന നല്‍കുന്നതായി കമ്പനി അറിയിക്കുന്നു. രാജ്യത്തിന്റെ വൈവിധ്യം അംഗീകരിക്കുകയും വിലമതിക്കുകയും ചെയ്യുന്നതായി ലെന്‍സ്‌കാര്‍ട്ട് എക്‌സിലെ ഔദ്യോഗിക പേജില്‍ കുറിച്ചു. 2400ലധികം സ്റ്റോറുകളുള്ള തങ്ങളുടെ ശൃംഖലയില്‍ ജോലി ചെയ്യുന്നവര്‍ക്ക് അവരുടെ വിശ്വാസങ്ങളും സ്വത്വവും ഉപേക്ഷിക്കേണ്ടി വരില്ലെന്നും പ്രസ്താവനയില്‍ പറയുന്നു.

കമ്പനി നല്‍കുന്ന ടി-ഷര്‍ട്ടും പ്ലെയിന്‍ ഡാര്‍ക്ക് ബ്ലൂ ജീന്‍സും ക്ലോസ്ഡ് ഷൂസുമായിരിക്കും ഔദ്യോഗിക വസ്ത്രം. വ്യക്തിശുചിത്വത്തിനും നീറ്റ് ഗ്രൂമിങ്ങിനും പ്രാധാന്യം നല്‍കുന്നതിനെ ഓര്‍മിപ്പിക്കുന്നതോടൊപ്പം വിശ്വാസപരമായ കാര്യങ്ങളില്‍ വിട്ടുവീഴ്ച ചെയ്യേണ്ടതില്ലെന്നും കമ്പനി ജീവനക്കാര്‍ക്ക് ഉറപ്പുനല്‍കുന്നു. വസ്ത്രധാരണത്തിന്റെയോ വിശ്വാസത്തിന്റെയോ പേരില്‍ ഏതെങ്കിലും സാഹചര്യത്തില്‍ വിവേചനം നേരിട്ടാല്‍ നേരിട്ട് റിപ്പോര്‍ട്ട് ചെയ്യാമെന്നും കമ്പനി ജീവനക്കാര്‍ക്കാരോട് പറയുന്നുണ്ട്. 

lenskart updates its employee dress code following controversy over restrictions on religious symbols, assuring equal respect for all beliefs and cultural diversity.