ബെയ്‌റൂത്: കരാര്‍ ലംഘിക്കുന്നതില്‍ പതിവ് തെറ്റിക്കാതെ ഇസ്‌റാഈല്‍. ലെബനാനില്‍ ബോംബാക്രമണം നടത്തിയിരിക്കുകയാണ് സയണിസ്റ്റ് സൈന്യം. പത്ത് ദിവസത്തെ വെടിനിര്‍ത്തലിന് സമ്മതിച്ചതിന് തൊട്ടുപിന്നാലെയാണ് ആക്രമണം. തെക്കന്‍ ലബനാനിലെ ഖഫര്‍ക്കേല മേഖലയിലാണ് ഇസ്‌റാഈല്‍ സൈന്യം ബോംബാക്രമണം നടത്തിയത്. 

ആക്രമണത്തിന് തയാറാക്കി നിര്‍ത്തിയിരുന്ന ഒരു റോക്കറ്റ് ലോഞ്ചര്‍ തകര്‍ത്തുവെന്നാണ് ഇസ്‌റാഈല്‍ സൈന്യത്തിന്റെ അവകാശവാദം.തെക്കന്‍ ലബനാനില്‍ ഇസ്‌റാഈല്‍ ഏകപക്ഷീയമായി സ്ഥാപിച്ച 'യെല്ലോ ലൈന്‍' അതിര്‍ത്തിക്ക് വടക്കുഭാഗത്താണ് ലോഞ്ചര്‍ കണ്ടെത്തിയതെന്നും സൈനിക വക്താവ് അറിയിച്ചു. 

ALSO READ: ഗസ്സയില്‍ അധിനിവേശം അവസാനിപ്പിക്കാതെ ഇസ്‌റാഈല്‍; നടക്കുന്നത് പുനര്‍നിര്‍മാണല്ല,  സൈനിക കേന്ദ്രങ്ങള്‍ വികസിപ്പിക്കല്‍; കയ്യേറ്റം വെളിപെടുത്തി സാറ്റലൈറ്റ് ചിത്രങ്ങള്‍ 

അതേസമയം, വെടിനിര്‍ത്തല്‍ കരാര്‍ നിലനില്‍ക്കെ ഉണ്ടായ ആക്രമണം മേഖലയില്‍ വീണ്ടും ആശങ്ക പടര്‍ത്തിയിരിക്കുകയാണ്. കരാര്‍ ലംഘിച്ച് ഇസ്‌റാഈല്‍ നടത്തുന്ന പ്രകോപനങ്ങള്‍ സമാധാന ചര്‍ച്ചകളെ ബാധിക്കുമെന്നാണ് ലബനാന്‍ വൃത്തങ്ങള്‍ പ്രതികരിച്ചത്. കഴിഞ്ഞ കുറച്ചു ദിവസങ്ങളായി അതിര്‍ത്തിയില്‍ താരതമ്യേന ശാന്തമായ അന്തരീക്ഷമാണ് നിലനിന്നിരുന്നത്. അതിനിടെയാണ് രാത്രിയോടെ വീണ്ടും സ്‌ഫോടനങ്ങള്‍ ഉണ്ടായത്.

ALSO READ: ഇറാന്റെ കപ്പല്‍ പിടിച്ചെടുത്ത് യു.എസ്; ഉപരോധം ലംഘിക്കാന്‍ ശ്രമിച്ചുവെന്ന് ട്രംപ്

ലബനാനില്‍ വെടിനിര്‍ത്തല്‍ പ്രഖ്യാപിച്ചതിന് പിന്നാലെയാണ് ഇറാന്‍ ഹോര്‍മുസ് കടലിടുക്ക് തുറന്നിരുന്നത്. എന്നാല്‍, ഇറാന്‍ തുറമുഖങ്ങളില്‍ അമേരിക്ക ഏര്‍പ്പെടുത്തിയ ഉപരോധം അവസാനിപ്പിക്കാത്തതിന് പിന്നാലെ ഇറാന്‍ ഹോര്‍മുസ് വീണ്ടുമടച്ചു. കൂടാതെ കഴിഞ്ഞ ദിവസം ഇറാന്റെ ചരക്കുകപ്പല്‍ യു.എസ് പിടിച്ചെടുത്തത് മേഖലയില്‍ സംഘര്‍ഷ സാധ്യത രൂക്ഷമാക്കിയിരിക്കുകയാണ്. തങ്ങളുടെ കപ്പല്‍ പിടിച്ചെടുത്തതിന് പിന്നാലെ അമേരിക്കന്‍ കപ്പലിലേക്ക് ഐ.ആര്‍. ജി.സി ഡ്രോണ്‍ പതിപ്പിച്ചിരുന്നു.

israel launched an airstrike in southern lebanon shortly after agreeing to a ceasefire, escalating tensions in the region amid concerns over repeated violations.