കണ്ണൂർ: തലശ്ശേരി, കൂത്തുപറമ്പ് മണ്ഡലങ്ങളിലെ ഇലക്ട്രോണിക് വോട്ടിംഗ് മെഷീനുകൾ (EVM) സൂക്ഷിച്ചിരിക്കുന്ന സ്ട്രോങ്ങ് റൂമുകളിലെ സിസിടിവി ഹാർഡ് ഡിസ്ക് മാറ്റാൻ തീരുമാനം. തലശ്ശേരി ബ്രണ്ണൻ കോളേജിൽ സജ്ജീകരിച്ചിരിക്കുന്ന സ്ട്രോങ്ങ് റൂമിലെ ദൃശ്യങ്ങൾ റെക്കോർഡ് ചെയ്യുന്ന ഹാർഡ് ഡിസ്കിലെ സ്റ്റോറേജ് പരിധി അവസാനിച്ച സാഹചര്യത്തിലാണ് നടപടിയെന്ന് റിട്ടേണിംഗ് ഓഫീസർ അറിയിച്ചു.

ഹാർഡ് ഡിസ്ക് മാറ്റുന്ന നടപടികൾ രാഷ്ട്രീയ പാർട്ടി പ്രതിനിധികളുടെയും സ്ഥാനാർഥികളുടെ ഏജന്റുമാരുടെയും സാന്നിധ്യത്തിലായിരിക്കും നടക്കുക. ഇതിനായി എല്ലാ ഏജന്റുമാരോടും അടിയന്തരമായി സ്ട്രോങ്ങ് റൂമിന് മുന്നിലെത്താൻ റിട്ടേണിംഗ് ഓഫീസർ നിർദ്ദേശം നൽകിയിട്ടുണ്ട്.

വോട്ടിംഗ് യന്ത്രങ്ങളുടെ സുരക്ഷയുമായി ബന്ധപ്പെട്ട അതീവ ജാഗ്രത നിലനിൽക്കുന്നതിനാൽ, നടപടിക്രമങ്ങൾ പൂർണ്ണമായും വീഡിയോയിൽ പകർത്തുമെന്നും അധികൃതർ വ്യക്തമാക്കി.

The Returning Officer has ordered the replacement of CCTV hard disks at the Brennan College strong room, where EVMs for the Thalassery and Koothuparamba constituencies are stored.