ന്യൂഡല്‍ഹി: ഔട്ടര്‍ ഡല്‍ഹിയിലെ അമല്‍ വിഹാറില്‍ 17 ഉം 18 ഉം വയസ്സുള്ള രണ്ട് പെണ്‍കുട്ടികളെ സുഹൃത്തുക്കളുടെ മുന്നില്‍ വെച്ച് ബലാത്സംഗം ചെയ്തു. കഴിഞ്ഞ ദിവസം രാത്രിയാണ് സംഭവം നടന്നത്. സംഭവത്തില്‍ നാല് പേരെ പൊലിസ് അറസ്റ്റ് ചെയ്തു.

രാത്രി എട്ടരയോടെ പുരുഷ സുഹൃത്തക്കള്‍ക്കൊപ്പം നടക്കാനിറങ്ങിയ പെണ്‍കുട്ടികളെയാണ് അഞ്ച് പേരടങ്ങുന്ന സംഘം ആക്രമിച്ചത്. പെണ്‍കുട്ടികള്‍ക്കൊപ്പമുണ്ടായിരുന്ന യുവാക്കളെ മര്‍ദ്ദിച്ച് കെട്ടിയിട്ടു. തുടര്‍ന്നാണ്  പെണ്‍കുട്ടികളെ  ബലാത്സംഗത്തിനിരയാക്കിയത്.

പൊലിസിനോട് പറഞ്ഞാല്‍ കൊല്ലുമെന്ന് സംഘം ഭീഷണിപ്പെടുത്തിയതായി പെണ്‍കുട്ടികള്‍ പൊലിസിനോട് പറഞ്ഞു. തുടര്‍ന്ന് നടത്തിയ വൈദ്യപരിശോധനയില്‍ മാനഭംഗം സ്ഥിരീകരിച്ചതായി പൊലിസ് അറിയിച്ചു.