വയനാട്: മുണ്ടക്കൈ-ചൂരല്‍മല ദുരന്തബാധിതര്‍ക്കായി സര്‍ക്കാര്‍ നിര്‍മിക്കുന്ന ടൗണ്‍ഷിപ്പിലെ ഏഴു വീടുകളുടെ താക്കോല്‍ കൈമാറി. പുനരധിവാസ പദ്ധതിയുടെ ആദ്യഘട്ടമെന്ന നിലയിലാണ് ഏഴു കുടുംബങ്ങള്‍ക്ക് വീടുകള്‍ കൈമാറിയത്. പദ്ധതിയുടെ മൂന്നാം സോണില്‍ ഉള്‍പ്പെട്ട ക്ലസ്റ്ററിലെ വീടുകളാണ് കൈമാറിയത്. 

വീടുകളുടെ ഗുണനിലവാരം ഉറപ്പുവരുത്തുന്നതിനായി ഗുണഭോക്താക്കളെ കൂടി ഉള്‍പ്പെടുത്തിക്കൊണ്ടുള്ള വിശദമായ പരിശോധനകള്‍ക്ക് ശേഷമാണ് കൈമാറ്റ നടപടികള്‍ പൂര്‍ത്തിയാക്കിയത്. ഊരാളുങ്കല്‍ സര്‍വീസ് സൊസൈറ്റി, കിറ്റ്‌കോ എന്നിവരുടെ പ്രതിനിധികളുടെ സാന്നിധ്യത്തില്‍ ഓരോ കുടുംബവും തങ്ങള്‍ക്ക് അനുവദിച്ച വീടുകള്‍ നേരിട്ട് പരിശോധിച്ചു. തുടര്‍ന്ന് ഏതെങ്കിലും തരത്തിലുള്ള അപാകതകള്‍ റിപ്പോര്‍ട്ട് ചെയ്താല്‍ ഉടന്‍ പരിഹരിക്കുമെന്ന് അധികൃതര്‍ ഉറപ്പ് നല്‍കിയിട്ടുണ്ട്. ബാക്കിയുള്ള വീടുകളുടെ പരിശോധന പൂര്‍ത്തിയാക്കി താക്കോല്‍ കൈമാറാനാണ് സര്‍ക്കാര്‍ തീരുമാനം. 

ALSO READ: ജെഡിടി സ്‌കൂളിലെ മെറ്റീരിയല്‍ റൂം തുറന്ന നടപടി; യുഡിഎഫ് പരാതിയില്‍ മൂന്ന് ദിവസത്തിനകം നടപടിയെടുക്കണമെന്ന് ചീഫ് ഇലക്ട്രല്‍ ഓഫീസര്‍ക്ക് ഹൈക്കോടതി നിര്‍ദേശം

അതേസമയം ടൗണ്‍ഷിപ്പില്‍ അനുവദിക്കപ്പെട്ട 178 കുടുംബങ്ങളോടൊപ്പം ഒന്നിച്ച് താമസം തുടങ്ങാനാണ് താക്കോല്‍ ഏറ്റുവാങ്ങിയ കുടുംബങ്ങളുടെ തീരുമാനം. തങ്ങളെ ചേര്‍ത്തുപിടിച്ച സര്‍ക്കാരിനോടും, ജനങ്ങളോടും നന്ദിയുണ്ടെന്നും, ദുരന്തത്തില്‍ എല്ലാം നഷ്ടപ്പെട്ട തങ്ങള്‍ക്കിനി ബാക്കിയുള്ളത് ഈ കൂട്ടായ്മയാണെന്നും അവര്‍ പറഞ്ഞു. അതിനാല്‍ എല്ലാ വീടുകളുടെയും താക്കോല്‍ കൈമാറ്റം പൂര്‍ത്തിയായ ശേഷം മാത്രമേ ടൗണ്‍ഷിപ്പിലേക്ക് പൂര്‍ണമായ താമസ മാറ്റം ഉണ്ടാവുകയുള്ളൂ എന്നും അവര്‍ കൂട്ടിച്ചേര്‍ത്തു.

അതേസമയം വയനാട് ദുരന്തബാധിതര്‍ക്കായി മുസ് ലിം ലീഗ് പ്രഖ്യാപിച്ച നൂറ് വീടുകളില്‍ 51 എണ്ണത്തിന്റെ ഗൃഹപ്രവേശം ഇന്നലെ നടന്നു. കുടുംബങ്ങള്‍ ചേര്‍ന്ന് സംഘടിപ്പിച്ച വീടുകൂടലിന് അതിഥികളായി മുസ് ലിം ലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങളും ദേശീയ സെക്രട്ടറി പി.കെ കുഞ്ഞാലിക്കുട്ടിയും സംസ്ഥാന സെക്രട്ടറി പിഎംഎ സലാമും, പികെ ബഷീറും ഉള്‍പ്പെടെ നേതാക്കളെത്തി. 

ബാക്കിയുള്ള 54 കുടുംബങ്ങള്‍ കൂടി ജൂണ്‍ 15നും സെപ്റ്റംബറിലുമായി വീടണയും. ഫര്‍ണിച്ചറുകളും മിക്‌സിയും വീട്ടിലേക്ക് ഒരുമാസത്തേക്ക് ആവശ്യമായ പലവ്യഞ്ജനങ്ങളും ഉള്‍പ്പെടെ ഒരുക്കിയാണ് ലീഗ് വീടുകള്‍ കൈമാറിയത്.

keys to seven houses in the township being constructed by the government for the victims of the mundakkai–chooralmala disaster have been handed over.