https://se.census.gov.in/ എന്ന പോർട്ടലിൽ പ്രവേശിച്ച് വിവരങ്ങൾ നൽകുന്നയാൾ സ്വന്തം മൊബൈൽ നമ്പറും മറ്റ് ആവശ്യമായ വിവരങ്ങളും നൽകി സെൽഫ് എന്യൂമറേഷൻ പോർട്ടലിൽ ലോഗിൻ ചെയ്യണം. 

ചോദ്യങ്ങളെല്ലാം പൂരിപ്പിച്ചു കഴിഞ്ഞാൽ, ഒരു എസ്.ഇ.ഐ.ഡി രൂപീകരിക്കപ്പെടുകയും അത് രജിസ്റ്റർ ചെയ്ത മൊബൈൽ നമ്പറിലേക്ക് അയയ്ക്കുകയും ചെയ്യും. ഈ എസ്.ഇ.ഐ.ഡി എന്യൂമറേറ്റർക്ക് ഫീൽഡ് സന്ദർശന സമയത്ത് കൈമാറേണ്ടതാണ്. സ്വയം രേഖപ്പെടുത്തിയ വിവരങ്ങൾ പരിശോധിച്ച് ഉറപ്പുവരുത്തിയ ശേഷം, എന്യൂമറേറ്റർ അത് സെൻസസ് ഡാറ്റാബേസിലേക്ക് അപ്‌ലോഡ് ചെയ്യും. സെൽഫ് എന്യൂമറേഷൻ ചെയ്യാൻ കഴിഞ്ഞില്ലെങ്കിലും എന്യൂമറേറ്റർമാർ ജൂലൈ 1 മുതൽ 30 വരെയുള്ള സമയത്ത് വിവര ശേഖരണം നടത്തും. അതേസമയം, സെൽഫ് എന്യൂമറേഷനിൽ ദൂരെ സ്ഥലങ്ങളിൽ പഠിക്കുന്നവരോ, ജോലി ചെയ്യുന്നവരുടേയോ വിവരം നൽകേണ്ടതില്ല. അവർ നിലവിൽ നിൽക്കുന്ന സ്ഥലമാണ് സെൽഫ് എന്യൂമറേഷനിൽ നൽകേണ്ടത്. വാടക വീട്ടിൽ താമസിക്കുന്നവർ ആ വീടിന്റെ വിവരങ്ങൾ നൽകണം.

കൂടാതെ, സംസ്ഥാനത്ത് നിരവധിയായുള്ള അടഞ്ഞുകിടക്കുന്ന വീടുകളിൽ എന്യൂമറേറ്റർ ഒന്നിലധികം തവണ സന്ദർശിക്കും. അയൽവാസിയിൽനിന്ന് നമ്പർ ശേഖരിച്ച് ഫോണിൽ വിവരങ്ങൾ തിരക്കുന്നതിനും ശ്രമിക്കും. ഒരു രീതിയിലും വിവരങ്ങൾ ലഭിച്ചില്ലെങ്കിൽ 'പൂട്ടിക്കിടക്കുന്നു' എന്ന് രേഖപ്പെടുത്തി നടപടികൾ അവസാനിപ്പിക്കും. 
സംശയനിവാരണത്തിനായി ടോൾ ഫ്രീ ഹെല്പ് ലൈൻ നമ്പർ 1855 സജ്ജമാക്കിയിട്ടുണ്ട്.