തിരുവനന്തപുരം: സംസ്ഥാനത്ത് അടുത്ത മൂന്ന് മണിക്കൂറിൽ എല്ലാ ജില്ലകളിലും ഇടിമിന്നലോടു കൂടിയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഒറ്റപ്പെട്ടയിടങ്ങളിൽ നേരിയതോ ഇടത്തരമോ ആയ മഴയ്ക്കൊപ്പം ശക്തമായ കാറ്റും വീശിയടിച്ചേക്കാം. മണിക്കൂറിൽ 40 കിലോമീറ്റർ വരെ വേഗതയിലുള്ള കാറ്റിന് സാധ്യതയുള്ളതിനാൽ സംസ്ഥാന വ്യാപകമായി ജാഗ്രതാ നിർദ്ദേശം പുറപ്പെടുവിച്ചു.

പ്രധാന നിർദ്ദേശങ്ങൾ

ഇടിമിന്നൽ സാധ്യത കൂടുതലായതിനാൽ പൊതുജനങ്ങൾ സുരക്ഷിതമായ കെട്ടിടങ്ങൾക്കുള്ളിലേക്ക് മാറണം.ശക്തമായ കാറ്റിൽ മരങ്ങൾ കടപുഴകാനോ ചില്ലകൾ ഒടിഞ്ഞുവീഴാനോ സാധ്യതയുണ്ട്. വാഹനയാത്രക്കാരും കാൽനടയാത്രക്കാരും പ്രത്യേകം ശ്രദ്ധിക്കണം.

വൈദ്യുത ലൈനുകൾക്ക് താഴെ നിൽക്കുന്നതും വാഹനങ്ങൾ പാർക്ക് ചെയ്യുന്നതും ഒഴിവാക്കണമെന്ന് അധികൃതർ കർശന നിർദ്ദേശം നൽകി. മഴയ്‌ക്കൊപ്പം ശക്തമായ കാറ്റും ഇടിമിന്നലും ഉണ്ടാകാൻ സാധ്യതയുള്ളതിനാൽ അതീവ ജാഗ്രത പാലിക്കണമെന്ന് ദുരന്തനിവാരണ അതോറിറ്റിയും അറിയിച്ചു.

The India Meteorological Department (IMD) has issued a weather warning for Kerala, forecasting isolated rain accompanied by thunderstorms and lightning across all districts over the next three hours. Strong winds with speeds reaching up to 40 km/h are also expected.