പരപ്പനങ്ങാടി: പരപ്പനങ്ങാടിയില്‍ അഞ്ചപ്പുരയിലെ പത്തോളം കടകളില്‍ മോഷണവും കവര്‍ച്ചാ ശ്രമവും. ബീച്ച് റോഡ് ജങ്ഷന്‍ മുതല്‍ വടക്കോട്ടുള്ള കടകളിലാണ് മോഷണം നടന്നത്. കഴിഞ്ഞ ദിവസം അര്‍ധരാത്രി പന്ത്രണ്ടോടെയായിരുന്നു കവര്‍ച്ച.
സമീപത്തെ സ്ഥാപനത്തിലെ സി.സി.ടി.വി ദൃശ്യത്തില്‍നിന്നു കവര്‍ച്ച നടന്നതു വ്യക്തമായിട്ടുണ്ട്. പരപ്പനങ്ങാടി എസ്.ഐ ദൃശ്യങ്ങള്‍ പരിശോധിച്ചു. അല്‍അമീന്‍ പലചരക്കു കടയില്‍നിന്ന് ആയിരം രൂപയും ബൂസ്റ്റ് കുപ്പികളും മോഷ്ട്ടിച്ചിട്ടുണ്ട്. കല്‍ക്കത്ത ബസാര്‍ഷോപ്പില്‍നിന്ന് എണ്ണായിരം രൂപ കവര്‍ന്നു.
കെ.എം സ്റ്റോറിലെ മൂന്ന് അരി ഗോഡൗണുകള്‍ കുത്തിത്തുറക്കാന്‍ ശ്രമവും നടന്നിട്ടുണ്ട്. മാര്‍ജിന്‍ഫ്രീ സൂപ്പര്‍ മാര്‍ക്കറ്റിലും മോഷണശ്രമം നടന്നു.
ചില കടകളുടെ പൂട്ടുകള്‍ കേടുവരുത്തിയിട്ടുണ്ട്. പരപ്പനങ്ങാടി പൊലിസ് അന്വേഷണമാരംഭിച്ചു.