പുറത്തൂര്‍: പേരക്കുട്ടിയുടെ മരണവാര്‍ത്ത അറിഞ്ഞതിന് പിന്നാലെ ഹൃദയാഘാതം മൂലം വയോധികന്‍ മരിച്ചു. പുത്തന്‍ പീടിയേക്കല്‍ അന്‍വറിന്റെ മകന്‍ മുഹമ്മദ് റിഹാന്റെ (10) മരണവാര്‍ത്തയറിഞ്ഞ അന്‍വറിന്റെ പിതാവ് ഹനീഫ (84) യാണ് മരിച്ചത്. 

പേരക്കുട്ടിയുടെ വിയോഗം അറിഞ്ഞതിനുപിന്നാലെ ഹനീഫ കുഴഞ്ഞുവീഴുകയായിരുന്നു. ഉടന്‍തന്നെ സമീപത്തുള്ള ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. 

വ്യാഴാഴ്ച വൈകീട്ട് ഏഴുമണിയോടെ എന്‍.ഒ.സി.പടി പള്ളിക്ക് സമീപമുണ്ടായ അപകടത്തിലാണ് മുഹമ്മദ് റിഹാന്‍ മരണപ്പെട്ടത്. സൈക്കിളില്‍ പോകുകയായിരുന്ന റിഹാനെ പുറത്തൂരില്‍നിന്ന് തിരൂരിലേക്കു പോകുകയായിരുന്ന സ്വകാര്യ ബസ് ഇടിച്ചുവീഴ്ത്തുകയായിരുന്നു. നിലത്ത് വീണ കുട്ടിയുടെ ശരീരത്തിലൂടെ ചക്രം കയറിയിറങ്ങി. ഉടന്‍ തന്നെ ആലത്തിയൂരിലെ സ്വകാര്യ ആശുപത്രിയിലെത്തിച്ചെങ്കിലം ജീവന്‍ രക്ഷിക്കാനായില്ല. 

ഖത്തറിലായിരുന്ന റിഹാന്റെ പിതാവ് അന്‍വര്‍ വിവരമറിഞ്ഞ് നാട്ടിലേക്ക് തിരിച്ചിട്ടുണ്ട്. ആബിദയാണ് റിഹാന്റെ മാതാവ്. ഹിബ, ഇഷ്‌വ എന്നിവര്‍ സഹോദരങ്ങളാണ്. 

തിരൂര്‍ ജില്ലാ ആശുപത്രിയിലെ പോസ്റ്റ്‌മോര്‍ട്ടം നടപടികള്‍ക്ക് ശേഷം വെള്ളിയാഴ്ച പെരുന്തിരുത്തി പഴയ ജുമാ മസ്ജിദ് കബറിസ്താനില്‍ മൃതദേഹങ്ങള്‍ കബറടക്കും.

In a tragic double bereavement, an 84-year-old man died of a heart attack shortly after hearing the news of his grandchild’s death in a road accident. The grandson met with a fatal accident while traveling, and the sudden shock of the news proved too much for the elderly grandfather.