ഹദ്‌റമൗത്ത്: യമനിലെ അൽ-മഹ്‌റ ഗവർണറേറ്റിൽ കെ.എസ്. റിലീഫ് 4,320 ഭക്ഷണക്കിറ്റുകൾ വിതരണം ചെയ്തു. യമനിലെ അടിയന്തര ഭക്ഷ്യസഹായ പദ്ധതിയുടെ രണ്ടാം ഘട്ടത്തിന്റെ ഭാഗമായായിരുന്നു വിതരണം. 26,000 പേർ പദ്ധതിയുടെ ​ഗുണഭോക്താക്കളായി. ദുരിതമനുഭവിക്കുന്നവർക്ക് ഭക്ഷ്യസുരക്ഷ ഉറപ്പാക്കുന്നതിൽ സഊദി അറേബ്യ നടത്തുന്ന കാരുണ്യപ്രവർത്തനങ്ങളെ അൽ-മഹ്‌റ ഡെപ്യൂട്ടി ഗവർണർ മുഖ്താർ അൽ ജാഫരി അഭിനന്ദിച്ചു. 

ALSO READ: ഹന്റാവൈറസ് ഭീതി വേണ്ട; സഊദിയിൽ പടരാനുള്ള സാധ്യത കുറവെന്ന് പബ്ലിക് ഹെൽത്ത് അതോറിറ്റി

കുടുംബങ്ങളുടെ ദുരിതം ലഘൂകരിക്കുന്നതിൽ ഇത്തരം സഹായങ്ങൾ വലിയ പങ്കുവഹിക്കുന്നുണ്ടെന്ന് അദ്ദേഹം വ്യക്തമാക്കി. ഹദ്‌റമൗത്ത്, അൽ-മഹ്‌റ, ഷബ്‌വ, സൊക്കോത്ര, മാരിബ്, അൽ-ജൗഫ്, ഹജ്ജ, സാദ എന്നീ ഗവർണറേറ്റുകളിലായി ഒരു ലക്ഷം കുടുംബങ്ങൾക്ക് സഹായമെത്തിക്കാനാണ് പദ്ധതി ലക്ഷ്യമിടുന്നത്. യമനിലെ ജനങ്ങളുടെ അടിസ്ഥാന ആവശ്യങ്ങൾ നിറവേറ്റുന്നതിനും ജീവിതസാഹചര്യങ്ങൾ മെച്ചപ്പെടുത്തുന്നതിനുമായി സഊദി കെ.എസ്. റിലീഫ് വഴി നടപ്പിലാക്കുന്ന കാരുണ്യപ്രവർത്തനങ്ങളുടെ ഭാഗമായാണ് ഈ സഹായം എത്തിക്കുന്നത്.

King Salman Humanitarian Aid and Relief Center (KSrelief) distributed 4,320 food baskets in Yemen's Al-Mahrah Governorate, benefiting 26,000 individuals. This initiative is part of a larger emergency food assistance project targeting 100,000 families across eight Yemeni governorates to enhance food security and alleviate suffering.