തൃശൂര്‍: നാലാം ഓണനാളായ ഇന്ന് നാലു മണിമുതല്‍ സ്വരാജ് റൗണ്ടില്‍ നടക്കുന്ന പുലിക്കളിയോടെ ഓണാഘോഷ പരിപാടികളുടെ സമാപനമാകും. തേക്കിന്‍കാട് മൈതാനിയിലെ പ്രത്യേക വേദിയിലെ സമാപനസമ്മേളനം രാത്രി ഒന്‍പതുമണിക്ക് വിദ്യാഭ്യാസ മന്ത്രി പ്രൊഫ. സി. രവീന്ദ്രനാഥ് ഉദ്ഘാടനം ചെയ്യും. മേയര്‍ അജിതജയരാജന്‍ അധ്യക്ഷതവഹിക്കും. കൃഷിവകുപ്പുമന്ത്രി അഡ്വ. വി.എസ് സുനില്‍കുമാര്‍ സമ്മാനദാനം നിര്‍വഹിക്കും. എം.പി മാരായ പി.കെ ബിജു, സി.എന്‍ ജയദേവന്‍, ഇന്നസെന്റ് എന്നിവര്‍ ആശംസനേരും. എം.എല്‍.എമാരായ ബി.ഡി ദേവസ്സി, കെ.വി അബ്ദുല്‍ ഖാദര്‍, അഡ്വ.കെ രാജന്‍, അനില്‍ അക്കര, ഗീതാഗോപി, പ്രൊഫ. കെ.യു അരുണന്‍, ഇ.ടി ടൈസന്‍മാസ്റ്റര്‍, യു ആര്‍ പ്രദീപ്, വി.ആര്‍ സുനില്‍കുമാര്‍, ജില്ലാ പഞ്ചായത്ത് പ്രസിഡന്റ് ഷീല വിജയകുമാര്‍, സബ്കലക്ടര്‍ ഹരിത വി കുമാര്‍, അസി. കലക്ടര്‍ കൃഷ്ണ തേജ, സിറ്റി പൊലിസ് കമ്മിഷണര്‍ ഡോ. ജെ ഹിമേന്ദ്രനാഥ് എന്നിവര്‍ സന്നിഹിതരാകും. മുരളി പെരുനെല്ലി എം.എല്‍.എ സ്വാഗതവും ജില്ലാകലക്ടര്‍ ഡോ. എ കൗശിഗന്‍ നന്ദിയും പറയും.