വടക്കാഞ്ചേരി: ശ്രീ നാരായണ ഗുരുദേവന്റെ ജയന്തി ആഘോഷത്തോടനുബന്ധിച്ച് നാടിനെ പീത സാഗരമാക്കി നാടെങ്ങും വിവിധ പരിപാടികള്‍ നടന്നു. എസ്.എന്‍.ഡി.പി യോഗം തലപ്പിള്ളി യൂനിയന്റെ നേതൃത്വത്തില്‍ വടക്കാഞ്ചേരിയില്‍ നടന്ന ഘോഷയാത്രയില്‍ നിരവധിപേര്‍ കണ്ണികളായി. പഴയ റെയില്‍വേ ഗെയ്റ്റ് പരിസരത്ത് നിന്ന് ആരംഭിച്ച ഘോഷയാത്ര ഓട്ടുപാറ നഗരം ചുറ്റി സമ്മേളന വേദിയായ പാലസ് റോഡിലെ ആര്യാസ് യാദവം ടവറില്‍ സമാപിച്ചു. തുടര്‍ന്ന് നടന്ന ജയന്തിസമ്മേളനം വിജിലന്‍സ് ആന്‍ഡ് ആന്റി കറപ്ഷന്‍ തൃശൂര്‍ബ്യൂറോ ഡെപ്യൂട്ടി സൂപ്രണ്ട് എ രാമചന്ദ്രന്‍ ഉദ്ഘാടനം ചെയ്തു.
യൂനിയന്‍ പ്രസിഡന്റ് എം. എസ് ധര്‍മ്മരാജന്‍ അധ്യക്ഷത വഹിച്ചു. സെക്രട്ടറി ടി.ആര്‍ രാജേഷ് സ്വാഗതവും വൈസ് പ്രസിഡന്റ് എന്‍.എ അനന്തന്‍ നന്ദിയും പറഞ്ഞു.