ചെന്നൈ: ടിവികെക്ക് വിജയം പ്രവചിച്ച ജ്യോതിഷിക്ക് സര്‍ക്കാര്‍ നിയമനം നല്‍കി വിജയ്. റിക്കി രാധന്‍ പണ്ഡിറ്റ് വെട്രിവേലിനെ മുഖ്യമന്ത്രിയുടെ ഒഎസ്ഡിയാക്കി (Officer of Special Duty) നിയമിച്ചതായി മുഖ്യമന്ത്രിയുടെ ഓഫീസ് അറിയിച്ചു. പിന്നാലെ വിജയിക്കെതിരെ രൂക്ഷ പ്രതികരണവുമായി നെറ്റിസണ്‍സ് രംഗത്തെത്തി. 

തമിഴ്‌നാട്ടിലെ പ്രമുഖ സംഖ്യാശാസ്ത്രജ്ഞനായ റിക്കി രാധന്‍, ടിവികെ വക്താവാണ്. വിജയ് മുഖ്യമന്ത്രിയാകുമെന്നും, തമിഴ്‌നാട്ടില്‍ രാഷ്ട്രീയ സുനാമി വരുമെന്നും ഇയാള്‍ നേരത്തെ പ്രവചിച്ചിരുന്നു. സര്‍ക്കാരുണ്ടാക്കാന്‍ അനുമതി തേടി വിജയ് ഗവര്‍ണറെ കാണാന്‍ പോയപ്പോഴും റിക്കി ഒപ്പമുണ്ടായിരുന്നു.

ALSO READ: ബംഗാളില്‍ ചീഫ് ഇലക്ടറല്‍ ഓഫീസറായിരുന്ന മനോജ് കുമാര്‍ അഗര്‍വാളിനെ ചീഫ് സെക്രട്ടറിയാക്കി നിയമിച്ചു 

അതേസമയം മുഖ്യമന്ത്രിയായി അധികാരമേറ്റതിന് പിന്നാലെ സുപ്രധാന ഉത്തരവുകളിൽ വിജയ് ഒപ്പുവെച്ചു. സംസ്ഥാനത്തെ ആരാധനാലയങ്ങൾ, വിദ്യാഭ്യാസ സ്ഥാപനങ്ങൾ, ബസ് സ്റ്റാൻഡുകൾ എന്നിവയുടെ 500 മീറ്റർ പരിധിക്കുള്ളിൽ പ്രവർത്തിക്കുന്ന 717 ടാസ്മാക് മദ്യവിൽപന ശാലകൾ ഉടനടി പൂട്ടാൻ മുഖ്യമന്ത്രി ഉത്തരവിട്ടു. രണ്ടാഴ്ചയ്ക്കകം നടപടികൾ പൂർത്തിയാക്കാനാണ് ഉദ്യോഗസ്ഥർക്ക് നൽകിയിരിക്കുന്ന നിർദേശം.

വിജയ് മുഖ്യമന്ത്രിയായി ചുമതലയേറ്റ ശേഷം നടത്തിയ പ്രത്യേക പരിശോധനയിലാണ് നിയമ വിരുദ്ധമായും ജനങ്ങൾക്ക് ബുദ്ധിമുട്ടുണ്ടാക്കുന്ന രീതിയിലും പ്രവർത്തിക്കുന്ന മദ്യശാലകളെ കണ്ടെത്തിയത്. റിപോർട്ടുകൾ പ്രകാരം 276 ഷോപ്പുകൾ ആരാധനാലയങ്ങൾക്ക് സമീപവും 186 എണ്ണം വിദ്യാലയങ്ങൾക്കും കോളജുകൾക്കും അരികിലും, 255 എണ്ണം ബസ് സ്റ്റാൻഡുകൾക്ക് സമീപവുമാണ് പ്രവർത്തിച്ചിരുന്നത്. പൊതുജനക്ഷേമം മുൻനിർത്തിയാണ് ഈ കടുത്ത തീരുമാനമെന്ന് സർക്കാർ വൃത്തങ്ങൾ അറിയിച്ചു.

മദ്യശാലകൾ പൂട്ടുന്നതിന് പുറമെ, ഗാർഹിക ഉപഭോക്താക്കൾക്ക് 200 യൂനിറ്റ് സൗജന്യ വൈദ്യുതി നൽകുന്ന പദ്ധതിക്കും സ്ത്രീസുരക്ഷയ്ക്കായി പ്രത്യേക സേന രൂപീകരിക്കാനുള്ള നിർദേശത്തിനും മുഖ്യമന്ത്രി അംഗീകാരം നൽകിയിട്ടുണ്ട്. ലഹരിമുക്ത തമിഴ്‌നാട് എന്ന ലക്ഷ്യത്തിലേക്കുള്ള ആദ്യപടിയായാണ് മദ്യശാലകൾക്കെതിരെയുള്ള ഈ നീക്കം വിലയിരുത്തപ്പെടുന്നത്.

government appointment for the astrologer who predicted Vijay would become Chief Minister; netizens respond with sharp criticism."