മലപ്പുറം: പൂക്കോട്ടൂർ പിലാക്കലിൽ തോട്ടിൽ വീണ് രണ്ട് കുട്ടികൾ മരിച്ചു. ഇന്ന് ഉച്ചയോടെയായിരുന്നു സംഭവം. ആദിൽ ഹിറാഷ് (7), മുഹമ്മദ് ഫൗസാൻ (4) എന്നിവരാണ് മരിച്ചത്. സഹോദരങ്ങളുടെ മക്കളാണ് ഇവർ. ബന്ധു വീട്ടിൽ വിരുന്നിനെത്തിയപ്പോഴായിരുന്നു സംഭവം.

വൈകിട്ട് കുട്ടികളെ കാണാതായതിനെ തുടർന്ന് രക്ഷിതാക്കൾ നടത്തിയ തിരച്ചിലിനൊടുവിലാണ് തോട്ടിൽ മുങ്ങിമരിച്ച നിലയിൽ കുഞ്ഞുങ്ങളെ കണ്ടെത്തിയത്. കളിക്കുന്നതിനിടെ അബദ്ധത്തിൽ തോട്ടിൽ വീണതാകാമെന്നാണ് പ്രാഥമിക നി​ഗമനം. 

അതേസമയം, മലപ്പുറം മങ്കടയിൽ ഇടിമിന്നലേറ്റ് നാലുപേർ മരിച്ചു. പരുക്കേറ്റ നാലുപേരെ ആശുപത്രിയിൽ പ്രവേശിപ്പിച്ചു. വൈകീട്ട് അഞ്ചുമണിയോടെയാണ് അപകടമുണ്ടായത്. അപ്രതീക്ഷിതമായി പെയ്ത മഴയ്ക്കിടെ ഇടിമിന്നലേൽക്കുകയായിരുന്നു. പരുക്കേറ്റവരെ മഞ്ചേരി മെഡിക്കൽ കോളജിൽ പ്രവേശിപ്പിച്ചു.

ALSO READ: വിശ്വാസവോട്ടെടുപ്പിന് മുൻപ് വിജയിക്ക് പിന്തുണ പ്രഖ്യാപിച്ച് 24 എഐഎഡിഎംകെ എംഎൽഎമാർ; പിന്തുണയ്ക്കുന്നവരുടെ എണ്ണം 145 ആയി.

പന്തല്ലൂർ മലയിലാണ് അപകമുണ്ടായത്. ഏഴ് വിദ്യാർഥികൾക്കാണ് മിന്നലേറ്റത്. വ്യൂ പോയിന്റ് സന്ദർശനത്തിനിടെയാണ് ദുരന്തം. ഫഹീസ് (20) s/o അലി പുതുകൂടി മലയിൽ വെള്ളില, ബഹാസ് (18) s/o സൈതലവികൂരിമണ്ണിൽ പുത്തൻ വീട്ടിൽ, മലയിൽ വെള്ളില,സിയാദ് (18) s/o അസീസ് ആലിക്കാപറമ്പിൽ, മലയിൽ വെള്ളില ഫഹദ് (22) S/o നിസാർ കരുത്താൻ കുത്ത് എന്നിവരാണ് മരിച്ചത്. റോഷൻ, ഇഷ്ഹാത്ത് എന്നിവർക്കാണ് പരുക്കേറ്റത്.