മുംബൈ: ഇന്ത്യൻ ക്രിക്കറ്റ് താരം അർഷ്ദീപ് സിംഗിന്റെ സോഷ്യൽ മീഡിയയിലെ പെരുമാറ്റം ബിസിസിഐയെയും ആരാധകരെയും ഒരുപോലെ പ്രകോപിപ്പിക്കുന്നു. മുബൈ താരം തിലക് വർമ്മയ്‌ക്കെതിരായ വംശീയ പരാമർശത്തിന് പിന്നാലെ, തന്നെ വിമർശിച്ച ആരാധകന് താരം നൽകിയ പരിഹാസരൂപേണയുള്ള മറുപടിയാണ് ഇപ്പോൾ പുതിയ വിവാദത്തിന് തിരികൊളുത്തിയിരിക്കുന്നത്.

'കുടുംബത്തോട് പണം ചോദിക്കുന്നവർ ഉപദേശിക്കേണ്ട': അർഷ്ദീപ്

ഐപിഎല്ലിലെ പഞ്ചാബ് കിംഗ്‌സിന്റെ മോശം പ്രകടനത്തെത്തുടർന്ന്, ടീമിന്റെ പേരിൽ നിന്ന് 'പഞ്ചാബ്' എന്ന് ഒഴിവാക്കണമെന്ന് ഒരു ആരാധകൻ സോഷ്യൽ മീഡിയയിലൂടെ ആവശ്യപ്പെട്ടിരുന്നു. ഇതിന് അർഷ്ദീപ് നൽകിയ മറുപടിയാണ് ക്രിക്കറ്റ് ലോകത്തെ ഞെട്ടിച്ചത്.

Imagine back in the 80s with @LaxmanSivarama1

— Aravind Krishnan (@aravind17) May 14, 2026

"സിംഗ് സാബ്, പഞ്ചാബിന് വേണ്ടി നിങ്ങൾ എന്താണ് ചെയ്തത്? ഇപ്പോഴും കുടുംബത്തോട് ചിപ്‌സിനും ശീതളപാനീയത്തിനും പണം ചോദിക്കുന്ന ആളുകൾ ഇപ്പോൾ എന്നെ ഉപദേശിക്കുകയാണോ?" എന്നായിരുന്നു അർഷ്ദീപിന്റെ സ്നാപ്ചാറ്റിലെ മറുപടി.

താരത്തിന്റെ ഈ അഹങ്കാര സ്വഭാവത്തിനെതിരെ നെറ്റിസൺമാർക്കിടയിൽ വലിയ പ്രതിഷേധമാണ് ഉയരുന്നത്.

വംശീയ പരാമർശവും വ്ലോഗിംഗ് വിവാദവും

നേരത്തെ, മുംബൈ ഇന്ത്യൻസ് താരം തിലക് വർമ്മയെ 'ഓയ് അന്തെരെ' (ഹേയ്, ഇരുണ്ടവനേ) എന്ന് അർഷ്ദീപ് വിളിക്കുന്ന വീഡിയോ പുറത്തുവന്നിരുന്നു. ഇതിനൊപ്പം നമൻ ധീറിനെ ചൂണ്ടി 'ഇതാണ് യഥാർത്ഥ പഞ്ചാബി, മറ്റേത് വ്യാജനാണ്' എന്ന് പറഞ്ഞതും വലിയ വംശീയ അധിക്ഷേപമായിട്ടാണ് ആരാധകർ കാണുന്നത്.

ഇത് കൂടാതെ, തന്റെ വ്ലോഗിലൂടെ സഹതാരം യുസ്‌വേന്ദ്ര ചാഹൽ വാപ്പിംഗ് (Vaping) ചെയ്യുന്നത് കാണിച്ചതിനും അർഷ്ദീപിന് ബിസിസിഐയുടെ താക്കീത് ലഭിച്ചിരുന്നു. കളിക്കാർ ഫീൽഡിന് പുറത്ത് പാലിക്കേണ്ട അച്ചടക്കത്തെക്കുറിച്ച് ഏഴ് പേജുള്ള കർശനമായ മാർഗ്ഗനിർദ്ദേശങ്ങൾ ബിസിസിഐ പുറപ്പെടുവിച്ചിരിക്കെയാണ് താരത്തിന്റെ ഭാഗത്തുനിന്നും വീണ്ടും വീഴ്ചകൾ ഉണ്ടാകുന്നത്.

വിലക്കണമെന്ന് ലക്ഷ്മൺ ശിവരാമകൃഷ്ണൻ

അർഷ്ദീപിന്റെ പെരുമാറ്റത്തിനെതിരെ മുൻ ഇന്ത്യൻ താരം ലക്ഷ്മൺ ശിവരാമകൃഷ്ണൻ രംഗത്തെത്തി. അർഷ്ദീപിനെ ഈ സീസണിൽ നിന്ന് വിലക്കണമെന്നും ഇത്തരം താരങ്ങൾക്ക് വേദനിക്കുന്നിടത്ത് തന്നെ അടിക്കണമെന്നും അദ്ദേഹം എക്സിൽ (X) കുറിച്ചു.

Imagine back in the 80s with @LaxmanSivarama1

— Aravind Krishnan (@aravind17) May 14, 2026

അർഷ്ദീപിനെതിരെ കർശന നടപടിയുണ്ടാകുമോ എന്ന കാര്യത്തിൽ ബിസിസിഐ ഇതുവരെ ഔദ്യോഗിക പ്രതികരണം നടത്തിയിട്ടില്ല. എങ്കിലും താരത്തിന്റെ ഭാവിക്ക് ഈ വിവാദങ്ങൾ തിരിച്ചടിയായേക്കുമെന്നാണ് സൂചന.