റിയാദ്: തീർഥാടകർക്ക് ഉന്നതനിലവാരമുള്ള റോഡ് സേവനങ്ങളും സുരക്ഷയും ഉറപ്പാക്കുന്നതിനായി സഊദി റോഡ്‌സ് ജനറൽ അതോറിറ്റിയും സഊദി ഓട്ടോമോട്ടീവ് സർവിസസ് കമ്പനിയും തമ്മിൽ ധാരണാപത്രത്തിൽ ഒപ്പിട്ടു.  സ്വകാര്യ മേഖലയുമായുള്ള പങ്കാളിത്തം ശക്തമാക്കിക്കൊണ്ട് തീർഥാടകരുടെ യാത്രാനുഭവം മെച്ചപ്പെടുത്താനും സഊദി വിഷൻ 2030ന്റെ അടിസ്ഥാന സൗകര്യങ്ങൾ വികസിപ്പിക്കാനും ലക്ഷ്യമിട്ടാണ് ഈ ധാരണ. ജൂലൈ അവസാനം വരെയാണ് ഈ കരാറിന്റെ കാലാവധി.

ALSO READ: ഐസെഫ് 2026; സഊദി വിദ്യാർഥികൾക്ക് 12 സ്പെഷ്യൽ അവാർഡുകൾ

ഇതുപ്രകാരം യാത്രയ്ക്കിടെ വാഹനങ്ങൾക്ക് തകരാറുകളോ മറ്റ് അടിയന്തര സാഹചര്യങ്ങളോ ഉണ്ടായാൽ 938 എന്ന കോൾ സെന്റർ നമ്പറിലൂടെ സഹായം തേടാവുന്നതാണ്. റോഡുകളിലെ ട്രാഫിക് സുരക്ഷ ഉറപ്പാക്കുന്നതിന് കരാർ മുൻ​ഗണന നൽകും. ​ഗതാ​ഗതക്കുരുക്ക് ഒഴിവാക്കി യാത്ര സു​ഗമമാക്കാൻ ആധുനിക സാങ്കേതിക വിദ്യകൾ അതോറിറ്റി വിന്യസിക്കും. രാജ്യത്തെ മുൻനിര ലോജിസ്റ്റിക് ഹബ്ബാക്കി മാറ്റുകയെന്നതാണ് അതോറിറ്റി ഈ കരാറിലൂടെ ലക്ഷ്യമിടുന്നത്. 

The Saudi Roads General Authority and SASCO sign an MoU to enhance road safety and provide high-quality emergency services for pilgrims during the 1447 AH Hajj season, supporting Saudi Vision 2030.