പള്ളുരുത്തി: ഗുരുദേവ ജയന്തിയോടനുബന്ധിച്ച് കൊടിതോരണങ്ങള്‍ അലങ്കരിക്കുകയായിരുന്ന എസ്.എന്‍.ഡി.പി പ്രവര്‍ത്തകനെ ഒരു സംഘം കുത്തി പരുക്കേല്‍പ്പിച്ചു. കണ്ണമാലി തെക്കേടത്ത് വീട്ടില്‍ ബിനിഷ് (39) നാണ് പരുക്കേറ്റത്.
കണ്ണമാലി വാട്ടര്‍ ടാങ്കിനടുത്ത് വച്ച് വ്യാഴാഴ്ച രാത്രി പത്തിനായിരിന്നു സംഭവം.
ബിനിഷിനെ വലത് കൈക്ക് പരുക്കേറ്റ നിലയില്‍ എറണാകുളം മെഡിക്കല്‍ ട്രസ്റ്റ് ആശുപത്രിയില്‍ പ്രവേശിപ്പിച്ചു.
കൊടിതോരണങ്ങള്‍ കെട്ടുന്നത് ചോദ്യം ചെയ്ത് രണ്ടംഗ സംഘമാണ് ആക്രമണം നടത്തിയത്.