തിരുവനന്തപുരം: നിയമസഭാ കക്ഷി നേതാവിനെ ചൊല്ലി സംസ്ഥാന ബി.ജെ.പിയില്‍ തര്‍ക്കം. കഴക്കൂട്ടത്ത് നിന്നും വിജയിച്ച വി മുരളീധരനെ കക്ഷിനേതാനാക്കാനായിരുന്നു കോര്‍കമ്മിറ്റിയിലെ ഭൂരിപക്ഷാഭിപ്രായം. എന്നാല്‍, സ്ഥാനം വിട്ടുകൊടുക്കില്ലെന്ന നിലപാടിലാണ് ബി.ജെ.പി സംസ്ഥാന അധ്യക്ഷന്‍ കൂടിയായ രാജീവ് ചന്ദ്രശേഖര്‍. ഇന്ന് സഭയില്‍ കക്ഷിനേതാവായി സംസാരിച്ചത് രാജീവ് ചന്ദ്രശേഖറായിരുന്നു. 

കേരള രാഷ്ട്രീയത്തില്‍ ദീര്‍ഘകാല പ്രവര്‍ത്തി പരിചയം ഉയര്‍ത്തിക്കാട്ടിയാണ് വി.മുരളീധരനുവേണ്ടി ഒരു വിഭാഗം വാദിക്കുന്നത്. വി.മുരളീധരന്‍ നിയമസഭാ കക്ഷി നേതാവാകുമെന്നായിരുന്നു നേരത്തെ പുറത്ത് വന്നത്. അങ്ങനെയാവുമ്പോള്‍ പാര്‍ട്ടിയില്‍ രണ്ട് അധികാര കേന്ദ്രം രൂപപ്പെടുമെന്ന വാദമാണ് ഔദ്യോഗിക പക്ഷം ഉയര്‍ത്തുന്നത്. നിയമസഭയില്‍ മൂന്ന് എം.എല്‍.എമാരാണ് ബി.ജെ.പിക്കുള്ളത്.

A disagreement has reportedly emerged within the Bharatiya Janata Party over the selection of the legislature party leader in Kerala. V. Muraleedharan is said to have demanded the leadership position, while Rajeev Chandrasekhar has reportedly not agreed to the proposal. The issue has sparked discussions within party circles, highlighting internal differences over leadership and organizational decisions in the state unit.