കട്ടപ്പന: സംസ്ഥാന സീനിയര്‍ പുരുഷ - വനിത കബഡി ചാമ്പ്യന്‍ഷിപ്പ് 28, 29, 30 തീയതികളില്‍ അണക്കര സെന്റ് തോമസ് ഫൊറോന ഫ്‌ളഡ് ലിറ്റ് സ്റ്റേഡിയത്തില്‍ നടക്കും.
ജില്ലാ കബഡി അസോസിയേഷനാണ് ചാമ്പ്യന്‍ഷിപ്പിന് നേതൃത്വം നല്‍കുന്നത്. കബഡി ചാമ്പ്യന്‍ഷിപ്പ് വിജയിപ്പിക്കുന്നതിന് വിപുലമായ സംഘാടകസമിതിയും രൂപീകരിച്ചു. എംപി, എംഎല്‍എമാര്‍ രക്ഷാധികാരികളായും ചക്കുപള്ളം പഞ്ചായത്ത് പ്രസിഡന്റ് വിജയമ്മ കൃഷ്ണന്‍കുട്ടി ചെയര്‍മാനായും ജില്ലാ കബഡി അസോസിയേഷന്‍ പ്രസിഡന്റ് ഡേവിസ് തോമസ് ജനറല്‍ കണ്‍വീനറായും ത്രിതല പഞ്ചായത്തംഗങ്ങള്‍, രാഷ്ട്രീയ സാമൂഹിക സാമുദായിക സംഘടന നേതാക്കള്‍, റസിഡന്‍സ് അസോസിയേഷന്‍ ഭാരവാഹികള്‍, സന്നദ്ധ സംഘടനാ പ്രവര്‍ത്തകര്‍, ജില്ല കബഡി അസോസിയേഷന്‍ ഭാരവാഹികള്‍ എന്നിവരെ ഉള്‍പ്പെടുത്തി 501 അംഗ സംഘാടകസമിതി രൂപീകരിച്ചു.