ബിന്‍ജോര്‍(ഉത്തര്‍പ്രദേശ്): പെണ്‍കുട്ടിയെ ശല്യം ചെയ്‌തെന്ന പരാതിയെത്തുടര്‍ന്ന് ഗോത്ര വര്‍ഗക്കാര്‍ പരസ്പരം ഏറ്റുമുട്ടി. ഏറ്റുമുട്ടലില്‍ മൂന്നു പേര്‍ മരിച്ചു. നിരവധി പേര്‍ക്ക് പരുക്കേറ്റു.
ത്തര്‍ പ്രദേശിലെ ബിന്‍ജോര്‍ ജില്ലയിലാണ് സംഭവം. അക്രമവുമായി ബന്ധപ്പെട്ട് ആറു പേര്‍ അറസ്റ്റിലായി. പെണ്‍കുട്ടിയെ ഒരു സംഘം ഉപദ്രവിച്ചതായുള്ള പരാതി ഉയര്‍ന്നതോടെ ഗോത്രവര്‍ഗക്കാര്‍ സായുധ ആക്രമണം നടത്തുകയായിരുന്നു.
നിരവധി തവണ വെടിയൊച്ചകള്‍ കേട്ടതായി പ്രദേശവാസികള്‍ പറഞ്ഞു. സംഭവസ്ഥലം ഇപ്പോള്‍ പൊലിസിന്റെ നിയന്ത്രണത്തിലാണെന്ന് ഉത്തര്‍പ്രദേശിലെ പൊലിസ് മേധാവി ജാവേദ് അഹമദ് വെളിപ്പെടുത്തി.