റിയാദ്: ഹജ്ജ് കർമ്മങ്ങൾക്ക് ശേഷം സ്വന്തം രാജ്യങ്ങളിലേക്ക് മടങ്ങുന്ന തീർഥാടകരുടെ യാത്രാ നടപടികൾ വേഗത്തിലാക്കാൻ അന്താരാഷ്ട്ര വിമാനത്താവളങ്ങളിൽ അത്യാധുനിക 'സെൽഫ് സർവിസ് ഇ-ഗേറ്റുകൾ' സജ്ജമാക്കി ജവാസത്. തീർഥാടകർക്ക് സു​ഗമമായ എക്സിറ്റ് യാത്ര ഉറപ്പാക്കുകയാണ് ഇതുവഴി ലക്ഷ്യമിടുന്നത്. യാത്രക്കാരുടെ ബയോമെട്രിക് വിവരങ്ങൾ പെട്ടെന്ന് തന്നെ ഒത്തുനോക്കാൻ സാധിക്കുന്നതാണ് ഈ ഓട്ടോമേറ്റഡ് ഇ-ഗേറ്റുകൾ.

ALSO READ: യുകെയിൽ സഊദി വിദ്യാർത്ഥിയെ കഴുത്തറുത്ത് കൊന്ന സംഭവം; ബ്രിട്ടീഷ് യുവാവിന് ജീവപര്യന്തം, രക്ഷിക്കാൻ നോക്കിയ പിതാവിനെയും ശിക്ഷിച്ച് കോടതി

ഉദ്യോഗസ്ഥരുടെ സഹായമില്ലാതെ തന്നെ തീർഥാടകർക്ക് പാസ്‌പോർട്ട് പരിശോധനകൾ ഇതുവഴി സ്വന്തമായി പൂർത്തിയാക്കാൻ സാധിക്കും. ഇ-ഗേറ്റുകൾ വഴിയാണ് ഇമി​ഗ്രേഷൻ നടപടികൾ പൂർത്തിയാക്കുക. സഊദി ആഭ്യന്തര മന്ത്രാലയത്തിന്റെ ഈ സംവിധാനം വഴി യാത്രക്കാരുടെ കാത്തിരിപ്പ് സമയം ഇല്ലാതാക്കാൻ സാധിക്കും. സഊദിയിലെ എല്ലാ അതിർത്തി പോർട്ടുകളിലും വിപുലമായ സജ്ജീകരണങ്ങളാണ് തീർഥാടകർക്കായി ഒരുക്കിയിരിക്കുന്നത്. ഈ ഇ-ഗേറ്റുകൾ ഹജ്ജ് യാത്രികർക്ക് കൂടുതൽ സൗകര്യപ്രദമായ യാത്രാനുഭവം സമ്മാനിക്കും. 

Saudi Arabia's Jawazat deploys automated self-service E-gates at international airports to speed up passport control and exit procedures for departing Hajj pilgrims.