ഏറ്റുമാനൂർ: ഉപയോഗത്തിന് ശേഷം തേപ്പുപെട്ടി ഓഫാക്കാൻ മറന്നതിന് പിന്നാലെ വീടിന് തീപിടിച്ചു. സംഭവത്തിൽ രണ്ട് മുറികൾ പൂർണമായി കത്തിനശിച്ചു. അതിരമ്പുഴ പഞ്ചായത്തിലെ അനമല ഭാഗത്ത് താമസിക്കുന്ന രാജീവ് മാത്യുവിന്റെ വീടാണ് കത്തിനശിച്ചത്. ശനിയാഴ്ച പുലർച്ചെ വീട്ടുകാർ എല്ലാവരും തിരുവനന്തപുരത്തേക്ക് പോയ സമയത്തായിരുന്നു അപകടം.

തുടർച്ചയായി പ്രവർത്തിച്ചതിനെ തുടർന്ന് തേപ്പുപെട്ടി അമിതമായി ചൂടായി പൊട്ടിത്തെറിക്കുകയായിരുന്നുവെന്നാണ് പ്രാഥമിക നിഗമനം. രാവിലെ ഒൻപത് മണിയോടെ വീട്ടിൽനിന്ന് കനത്ത പുക ഉയരുന്നത് ശ്രദ്ധയിൽപ്പെട്ട നാട്ടുകാരാണ് വിവരം ഫയർഫോഴ്സിനെ അറിയിച്ചത്. കോട്ടയത്തുനിന്നും എത്തിയ അഗ്നിരക്ഷാസേന ഏറെ പ്രയത്നിച്ചാണ് തീ പൂർണമായും നിയന്ത്രണവിധേയമാക്കിയത്.

ALSO READ: മലയാളി ഫുട്ബോൾ പ്രേമികൾക്ക് നിരാശ; ലോകകപ്പിൽ തഹ്‌സിന്റെ അരങ്ങേറ്റത്തിന് ഇനിയും കാത്തിരിക്കണം

വീടിനുള്ളിൽ കനത്ത പുക നിറഞ്ഞത് ആദ്യഘട്ടത്തിൽ രക്ഷാപ്രവർത്തനത്തിന് പ്രതിസന്ധി സൃഷ്ടിച്ചു. തുടർന്ന് ജീവനക്കാർ സാഹസികമായി അകത്തു കടന്നാണ് തീ അണച്ചത്.

അപകടത്തിൽ മുറിയിലുണ്ടായിരുന്ന രണ്ട് കട്ടിലുകൾ, മെത്തകൾ, വസ്ത്രങ്ങൾ എന്നിവ പൂർണമായി കത്തിനശിച്ചിട്ടുണ്ട്. കോട്ടയം സീനിയർ ഫയർ ആൻഡ് റെസ്‌ക്യൂ ഓഫീസർ നിഷാദിന്റെ നേതൃത്വത്തിലായിരുന്നു രക്ഷാപ്രവർത്തനം. ഫയർ ഓഫീസർമാരായ രഞ്ജിത്, അബ്ബാസി, അരുൺ, അനീഷ് ജി. നായർ, ഷഫീക്, ഹോം ഗാർഡ് ദിലീപ് എന്നിവരും സംഘത്തിലുണ്ടായിരുന്നു. വീട്ടിൽ ആളില്ലാതിരുന്നതിനാൽ വൻ ദുരന്തമാണ് ഒഴിവായത്.

a fire broke out in a house after an electric iron box was accidentally left turned on. the blaze quickly spread, completely destroying two rooms and the belongings inside. fortunately, no casualties were reported as the occupants managed to escape in time. local fire force personnel arrived at the scene to extinguish the flames and prevent further damage.