ചെന്നൈ: തമിഴ്‌നാട് മുഖ്യമന്ത്രി വിജയ്, പ്രതിപക്ഷ നേതാവ് ഉദയനിധി സ്റ്റാലിന്‍, ബി.ജെ.പി നേതാവ് തമിഴിസൈ സൗന്ദരരാജന്‍ എന്നിവര്‍ക്ക് എതിരായ ഹരജികള്‍ തള്ളി മദ്രാസ് ഹൈക്കോടതി. ആദായ നികുതി വകുപ്പിന്റെ അന്വേഷണം ആവശ്യപ്പെട്ട് സമര്‍പ്പിച്ച ഹരജികളാണ് മദ്രാസ് ഹൈക്കോടതി തള്ളിയത്.  ചീഫ് ജസ്റ്റിസ് അധ്യക്ഷനായ ബെഞ്ചാണ് ഹരജി തള്ളിയത്.

നിയമസഭാ തെരഞ്ഞെടുപ്പില്‍ മത്സരിക്കുമ്പോള്‍ സമര്‍പ്പിച്ച സ്വത്തുവിവരങ്ങളില്‍ ക്രമക്കേടുകളുണ്ടെന്നാരോപിച്ചായിരുന്നു വിവിധ റിട്ട് ഹരജികള്‍ കോടതിയിലെത്തിയത്. മുഖ്യമന്ത്രി സി. ജോസഫ് വിജയ്, ഉദയനിധി സ്റ്റാലിന്‍, തമിഴിസൈ സൗന്ദരരാജന്‍ എന്നിവര്‍ക്കെതിരേ ആദായ നികുതി വകുപ്പിന്റെ ഡയറക്ടര്‍ ജനറല്‍ അന്വേഷണം നടത്തണമെന്നായിരുന്നു ഹരജിക്കാരുടെ ആവശ്യം.

ALSO READ: മുന്‍ മുഖ്യമന്ത്രി പിണറായി വിജയന്റെ വിദേശയാത്രകളും വിവരാവകാശ രേഖയിലെ 'പൂജ്യം' താമസച്ചെലവും: ഒരു വിശകലനം 

ഈ ഹര്‍ജികളില്‍ കഴിഞ്ഞ ഏപ്രിലില്‍ കോടതി ആദായ നികുതി വകുപ്പ് ഡയറക്ടര്‍ ജനറലിന് നോട്ടീസ് അയച്ചിരുന്നു. എന്നാല്‍ സമാന ആരോപണങ്ങള്‍ ഉന്നയിച്ച് വിവിധ സ്ഥാനാര്‍ഥികള്‍ക്കെതിരേ സമര്‍പ്പിച്ച നിരവധി ഹര്‍ജികള്‍ നേരത്തെയും കോടതി തള്ളിയിട്ടുണ്ടെന്ന് ബെഞ്ച് ചൂണ്ടിക്കാട്ടി.

അതേസമയം, തിരുച്ചിറപ്പള്ളി ഈസ്റ്റ് മണ്ഡലത്തില്‍ വിജയ് നേടിയ വിജയം റദ്ദാക്കണമെന്നാവശ്യപ്പെട്ട് മറ്റൊരു ഹരജി മദ്രാസ് ഹൈക്കോടതിയില്‍ സമര്‍പ്പിച്ചിട്ടുണ്ട്. ഡി.എം.കെ സ്ഥാനാര്‍ഥിയാണ് ഹരജിക്കാരന്‍.

തെരഞ്ഞെടുപ്പ് ചെലവിന്റെ കണക്ക് കൃത്യമായി നല്‍കിയില്ലെന്നും പ്രചാരണത്തിനായി കുട്ടികളെ ഉപയോഗിച്ചുവെന്നുമാണ് ഹരജിയിലെ ആരോപണം. ഹരജിയില്‍ അന്തിമ തീരുമാനം ഉണ്ടാകുന്നതുവരെ മണ്ഡലത്തില്‍ ഉപതെരഞ്ഞെടുപ്പ് നടത്തരുതെന്നും ഹരജിക്കാരന്‍ ആവശ്യപ്പെട്ടിട്ടുണ്ട്.

The Madras High Court dismissed petitions filed against Tamil Nadu Chief Minister Vijay, Opposition Leader Udhayanidhi Stalin, and BJP leader Tamilisai Soundararajan. The petitions sought an Income Tax Department investigation. The bench headed by the Chief Justice dismissed the pleas.