തിരുവനന്തപുരം: ഡി.എച്ച്.എസിന്റെ സ്ഥലംമാറ്റവുമായി ബന്ധപ്പെട്ട് ആരോഗ്യവകുപ്പിന് കനത്ത തിരിച്ചടി. ആരോഗ്യവകുപ്പ് ഡയറക്ടര്‍ സ്ഥാനത്ത് നിന്ന് ഡോ. കെ. ജെ റീനയെ നീക്കിയ നടപടി അഡ്മിനിസ്‌ട്രേറ്റീവ് ട്രിബ്യൂണല്‍ സ്റ്റേ ചെയ്തു. ഡോ. റീന നല്‍കിയ ഹരജിയിലാണ് നടപടി. 

സര്‍ക്കാരിനെ തുരങ്കം വെയ്ക്കുന്ന ചില നടപടികള്‍ ഡോ. റീനയുടെ ഭാഗത്ത് നിന്നുണ്ടായെന്നും അതിനാലാണ് സ്ഥലംമാറ്റമെന്നുമാണ് ആരോഗ്യമന്ത്രി പറഞ്ഞത്. റീനയെ മാറ്റുകയും അഡീഷണല്‍ (ഫാമിലി വെല്‍ഫെയര്‍) ഡയറക്ടറായ ഡോ. വി. മീനാക്ഷിയ്ക്ക് ചുമതല നല്‍കുകയും ചെയ്തിരുന്നു.

ഡോ. റീന പകര്‍ച്ച വ്യാധിക്കാലത്ത് 15 ദിവസം അവധിക്ക് അപേക്ഷിച്ചിരുന്നുവെന്ന് വ്യക്തമാക്കി ആദ്യം സ്ഥലംമാറ്റ ഉത്തരവ് പിന്നീട് തിരുത്തിയിരുന്നു. 

മുഖ്യമന്ത്രിയും മന്ത്രിമാരും ചാര്‍ജെടുത്ത് മണിക്കൂറുകള്‍ക്കുള്ളില്‍, ഒരു ചര്‍ച്ചയും നടത്താതെ, ശബരിമലയിലേക്ക് ഡോക്ടര്‍മാരെ നല്‍കാന്‍ കഴിയില്ലെന്ന് കത്തു നല്‍കിയത് തെറ്റാണെന്നും നിപ്പ സ്ഥിരീകരിച്ച റിസള്‍ട്ട് അറിയിച്ചില്ലെന്നുമാണ് സ്ഥലംമാറ്റത്തിന് കാരണമായി ആരോഗ്യമന്ത്രി കെ.മുരളീധരന്‍ ചൂണ്ടിക്കാട്ടിയിരുന്നത്.