ബംഗളുരു: പ്രണയബന്ധത്തെ എതിര്‍ത്തിന്റെ പേരില്‍ മാതാപിതാക്കളെയും സഹോദരിയെയും കൊലപ്പെടുത്തി യുവതി. ബെംഗളൂരുവിലെ കെ.ആര്‍ പുരത്തിന് സമീപം സിഗേഹള്ളിയിലെ ഒരു അപ്പാര്‍ട്ട്‌മെന്റില്‍ താമസിക്കുന്ന സോമസുന്ദരം(55), മുത്തുലക്ഷ്മി(48), സുപ്രിയ(20) എന്നിവരാണ് കൊല്ലപ്പെട്ടത്. കാമുകന്റെ സഹായത്തോടെയാണ് യുവതി ഇവരെ കൊലപ്പെടുത്തിയത്. 

കെ.ആര്‍ പുരം പൊലിസ് സ്റ്റേഷന്‍ പരിധിയിലുള്ള സീഗെഹള്ളിയിലെ ധമാനിക് ലേഔട്ടിലുള്ള സായ് ഗ്രീന്‍ അപ്പാര്‍ട്ട്‌മെന്റില്‍ തിങ്കളാഴ്ച്ചയാണ് കൊലപാതകം നടന്നത്. 

ദമ്പതിമാരുടെ മൂത്തമകളായ ശ്വേതയും കാമുകനായ കെന്നത്തും ചേര്‍ന്നാണ് ഈ ക്രൂരകൃത്യം നടത്തിയത്. ശ്വേതയും കെന്നത്തും വിവാഹം കഴിക്കാതെ ഒന്നിച്ച് താമസിക്കാന്‍ തീരുമാനിച്ചിരുന്നു. എന്നാല്‍ ശ്വേതയുടെ മാതാപിതാക്കള്‍ ഈ ബന്ധത്തെയും ഇവരുടെ തീരുമാനത്തെയും ശക്തമായി എതിര്‍ത്തു. ഇതാണ് കൊലപാതകത്തിലേക്ക് നയിച്ചതെന്നാണ് പ്രാഥമിക വിവരം

തിങ്കളാഴ്ച്ച വൈകുന്നേരം സുഹൃത്തിനൊപ്പം വീട്ടിലെത്തിയ ശ്വേത, അമ്മയുമായി തര്‍ക്കത്തിലേര്‍പ്പെട്ടു. വഴക്കിനിടെ മുത്തുലക്ഷ്മിയെ കത്തികൊണ്ട് കുത്തിക്കൊലപ്പെടുത്തുകയായിരുന്നു. അതേസമയം വീട്ടിലില്ലാതിരുന്ന സുപ്രിയയും സോമസുന്ദറും വീട്ടിലെത്തിയതും ഇവരെയും ഇതേ കത്തി ഉപയോഗിച്ച് ആക്രമിക്കുകയായിരുന്നു. 

കൊലപാതകത്തിന് ശേഷം പ്രതികള്‍ രണ്ടുപേരും സംഭവസ്ഥലത്തുനിന്ന് രക്ഷപ്പെട്ടു. കെ.ആര്‍ പുരം പൊലിസ് സംഭവസ്ഥലത്തെത്തി മൃതദേഹങ്ങള്‍ ആശുപത്രിയിലേക്ക് മാറ്റി. പ്രതികളെ പിടികൂടുന്നതിനായി പൊലിസ് പ്രത്യേക അന്വേഷണ സംഘത്തെ നിയോഗിച്ചിട്ടുണ്ട്.

A young woman has been accused of murdering her parents and sister after they allegedly opposed her romantic relationship. According to investigators, tensions within the family had escalated over the relationship, ultimately leading to the tragic incident.