തൃശൂര്‍: തൂഫാന്‍ സ്‌ട്രൈക്ക് സ്‌പെഷല്‍ ഡ്രൈവിന്റെ ഭാഗമായി സിറ്റി പൊലിസ് നഗരത്തിലുടനീളം പരിശോധന ശക്തമാക്കിയതിന് പിന്നാലെ മൂന്ന് സ്ഥലങ്ങളില്‍ നിന്നായി 308 ഗ്രാം എം.ഡി.എം.എ പിടിച്ചെടുത്തു.  വിപണിയില്‍ 15 ലക്ഷം രൂപയിലധികം വില വരുന്ന രാസലഹരിയാണ് പിടിച്ചെടുത്തത്. സംഭവത്തില്‍ രണ്ട് യുവതികളുള്‍പ്പെടെ ഏഴ് പേര്‍ അറസ്റ്റിലായി. 

പീച്ചി വാണിയമ്പാറയില്‍ നടത്തിയ വാഹനപരിശോധനയില്‍ 2 ഗ്രാം എം.ഡി.എം.എ പിടിച്ചു. പാലക്കാട് മുതലമടയിലെ റിസോര്‍ട്ടില്‍ നിന്നു തൃശൂരിലേക്ക് സ്വിഫ്റ്റ് കാറില്‍ യാത്ര ചെയ്യുകയായിരുന്ന കാക്കശ്ശേരി സ്വദേശി കല്ലുരയില്‍ വീട്ടില്‍ ഷിഫാസ് (26), തൈക്കാട് നെന്മിനി സ്വദേശി വിദ്യ (28), അകതിയൂര്‍ നമ്പഴിക്കാട് സ്വദേശി മരക്കാത്ത് വീട്ടില്‍ ജിഷ്ണു (27), നമ്പഴിക്കാട് സ്വദേശി ചെമ്പില്‍ വീട്ടില്‍ ശ്രീലക്ഷ്മി (20) എന്നിവരെ ദേഹപരിശോധന നടത്തിയാണ് രാസലഹരി കണ്ടെത്തിയത്. 

ഇവരില്‍ നിന്ന് ലഭിച്ച വിവരമനുസരിച്ച് പാവറട്ടി സ്റ്റേഷന്‍ പരിധിയില്‍ ബണ്ട് റോഡിനു സമീപം ഷിഫാസിന്റെ് വീടിനു സമീപത്തു നിന്നു 18 ഗ്രാം എം.ഡി.എം.എ പിടികൂടി. ലഹരിവസ്തുക്കള്‍ ഇവിടെ നിന്നുമാറ്റിയെന്ന് വ്യക്തമായതോടെ കുന്നംകുളത്തേക്കും അന്വേഷണം വ്യാപിപ്പിച്ചു. ചാവക്കാട് പഞ്ചാരമുക്കിലെ റെയ്ഡില്‍, എളവള്ളി ജാനകിപ്പടി സ്വദേശി തെപ്പുറത്ത് വീട്ടില്‍ ടി.ടി സുമേഷ് (25), ചാവക്കാട് അങ്ങാടിത്താഴം സ്വദേശി പുതുവീട്ടില്‍ ഷെബീര്‍ (34), ചാവക്കാട് അങ്ങാടിത്താഴം സ്വദേശി കല്ലൂരയില്‍ വീട്ടില്‍ അന്‍ഷാദ് (31) എന്നിവര്‍ ഒളിപ്പിച്ചുവെച്ച 288 ഗ്രാം എം.ഡി.എം.എ അലുമിനിയം ഫാബ്രിക്കേഷന്‍ വര്‍ക്ക്‌ഷോപ്പില്‍ നിന്ന് കണ്ടെടുത്തു.

In a major anti-narcotics operation in Thrissur, authorities seized 308 grams of MDMA and arrested seven individuals in connection with the case. The operation is part of ongoing efforts to curb the distribution and trafficking of synthetic drugs in Kerala.