കണ്ണൂര്‍: കളിക്കാന്‍ പോയ 11 വയസ്സുകാരിയെ ബലമായി വീട്ടിലേക്ക് കൊണ്ടുപോയി ലൈംഗികമായി പീഡിപ്പിച്ചെന്ന പരാതിയില്‍ വിരമിച്ച പൊലിസ് എസ്.ഐ അറസ്റ്റില്‍. പരിയാരം കാപ്പുങ്ങല്‍ സ്വദേശി ഇ.വി. ഗോപിനാഥന്‍ (62) ആണ് പോക്‌സോ നിയമപ്രകാരം അറസ്റ്റിലായത്.

മഴയെ തുടര്‍ന്ന് സ്‌കൂളിന് അവധിയായതിനാല്‍ പെണ്‍കുട്ടി വീട്ടില്‍ നിന്ന് കളിക്കാന്‍ പോയതായിരുന്നു. ഈ സമയത്ത് മദ്യലഹരിയിലായിരുന്ന ഗോപിനാഥന്‍ കുട്ടിയെ ബലമായി വീട്ടിലേക്ക് കൊണ്ടുപോയി പീഡിപ്പിച്ചെന്നാണ് പരാതി.

ALSO READ: 'ടിക്കറ്റ് പിന്നെ മതി... ആദ്യം അച്ചപ്പം വാങ്ങൂ'; സ്വകാര്യ ബസിലെ കൗതുകക്കാഴ്ച, പിന്നില്‍ ജീവനക്കാരുടെ അതിജീവനപ്പോരാട്ടം 

കുട്ടിയെ കാണാതായതിനെ തുടര്‍ന്ന് ബന്ധുക്കളും നാട്ടുകാരും നടത്തിയ തിരച്ചിലിലാണ് ഗോപിനാഥന്റെ വീട്ടില്‍ നിന്ന് പെണ്‍കുട്ടിയെ കണ്ടെത്തിയത്. ഇതിനിടെ വീടിന് സമീപം നാട്ടുകാര്‍ തടിച്ചുകൂടുകയും വിവരം അറിഞ്ഞ് പൊലിസ് സ്ഥലത്തെത്തുകയും ചെയ്തു. തുടര്‍ന്ന് ഗോപിനാഥനെ കസ്റ്റഡിയിലെടുത്തു.

ഭയം കാരണം ആദ്യം സംഭവത്തെക്കുറിച്ച് ഒന്നും പറയാതിരുന്ന പെണ്‍കുട്ടി പിന്നീട് താന്‍ പീഡനത്തിനിരയായ വിവരം വെളിപ്പെടുത്തിയതോടെയാണ് ഗോപിനാഥനെതിരേ പോക്‌സോ നിയമപ്രകാരം കേസെടുത്ത് അറസ്റ്റ് ചെയ്തത്. സംഭവത്തില്‍ പരിയാരം പൊലിസ് അന്വേഷണം തുടരുകയാണ്.

A retired police SI was arrested on a complaint that he forcibly took an 11-year-old girl who had gone out to play to his house and sexually assaulted her. E.V. Gopinathan (62), a native of Kappungal, Pariyaram, was arrested under the POCSO Act.