തിരുവനന്തപുരം: സൗത്ത് വെസ്റ്റേണ്‍ റെയില്‍വേ കേരളത്തിലേക്കുള്ള എട്ട് സ്‌പെഷ്യല്‍ ട്രെയിനുകളുടെ സര്‍വീസ് ഓഗസ്റ്റ് അവസാനം വരെ നീട്ടി. നേരത്തെ ജൂലൈ അവസാനം വരെയും ഓഗസ്റ്റ് ആദ്യവാരം വരെയും പ്രഖ്യാപിച്ചിരുന്ന സര്‍വീസുകളാണ് ഒരു മാസം കൂടി ദീര്‍ഘിപ്പിച്ചത്.

ഞായറാഴ്ചകളില്‍ സര്‍വീസ് നടത്തുന്ന 07313 ഹുബ്ബള്ളി-കൊല്ലം സ്‌പെഷ്യല്‍ ഓഗസ്റ്റ് 30 വരെയും, തിങ്കളാഴ്ചകളില്‍ സര്‍വീസ് നടത്തുന്ന 07314 കൊല്ലം-ഹുബ്ബള്ളി സ്‌പെഷ്യല്‍ ഓഗസ്റ്റ് 31 വരെയും സര്‍വീസ് നടത്തും.

ALSO READ: എന്‍.ഐ.എ, ഐ.എസ്.ആര്‍.ഒ ഉള്‍പ്പെടെ പ്രമുഖ സ്ഥാപനങ്ങള്‍ക്ക് വ്യാജ ബോംബ് ഭീഷണി; 36കാരന്‍ അറസ്റ്റില്‍ 

തിങ്കളാഴ്ചകളില്‍ ഓടുന്ന 06523 എസ്എംവിറ്റി ബെംഗളൂരു-തിരുവനന്തപുരം നോര്‍ത്ത് സ്‌പെഷ്യല്‍ എക്‌സ്പ്രസ് ഓഗസ്റ്റ് 31 വരെയും, ചൊവ്വാഴ്ചകളിലെ 06524 തിരുവനന്തപുരം നോര്‍ത്ത്-എസ്എംവിറ്റി ബെംഗളൂരു സ്‌പെഷ്യല്‍ സെപ്റ്റംബര്‍ 1 വരെയും നീട്ടി.

ബുധനാഴ്ചകളില്‍ സര്‍വീസ് നടത്തുന്ന 06547 എസ്എംവിറ്റി ബെംഗളൂരു-തിരുവനന്തപുരം നോര്‍ത്ത് സ്‌പെഷ്യല്‍ ഓഗസ്റ്റ് 26 വരെയും, വ്യാഴാഴ്ചകളിലെ 06548 തിരുവനന്തപുരം നോര്‍ത്ത്-എസ്എംവിറ്റി ബെംഗളൂരു സ്‌പെഷ്യല്‍ ഓഗസ്റ്റ് 27 വരെയും സര്‍വീസ് നടത്തും.

വെള്ളിയാഴ്ചകളില്‍ ഓടുന്ന 06555 എസ്എംവിറ്റി ബെംഗളൂരു-തിരുവനന്തപുരം നോര്‍ത്ത് സ്‌പെഷ്യല്‍ ഓഗസ്റ്റ് 28 വരെയും, ഞായറാഴ്ചകളിലെ 06556 തിരുവനന്തപുരം നോര്‍ത്ത്-എസ്എംവിറ്റി ബെംഗളൂരു സ്‌പെഷ്യല്‍ ഓഗസ്റ്റ് 30 വരെയും സര്‍വീസ് നടത്തും.

ഈ ട്രെയിനുകളിലേക്കുള്ള മുന്‍കൂര്‍ റിസര്‍വേഷന്‍ ഉടന്‍ ആരംഭിക്കുമെന്ന് റെയില്‍വേ അറിയിച്ചു.

South Western Railway has extended the service of eight special trains to Kerala until the end of August. The services, which were earlier announced till the end of July and the first week of August, have been extended by one more month.