പൂനൈ: പ്രതിശ്രുത വരന്റെ കൊലപാതകത്തില്‍ അന്വേഷണം പുരോഗമിക്കവേ നുണപരിശോധന നടത്താന്‍ വിസമ്മതിച്ച് പ്രതികള്‍. കേസില്‍ നുണ പരിശോധന നടത്താനുള്ള പൊലീസ് നീക്കത്തില്‍ പ്രതികള്‍ കോടതിയില്‍ എതിര്‍പ്പറിയിച്ചു. നേരത്തെ സിയ സമ്മതം പറഞ്ഞതായതാണ് പൊലീസ് വിവരം നല്‍കിയത്. എന്നാല്‍ ഇരുപ്രതികളും കോടതിയില്‍ സമ്മതമല്ലെന്ന് അറിയിച്ചു. പ്രതികളുടെ സമ്മതമില്ലാതെ നുണ പരിശോധന നടത്താന്‍ കഴിയില്ല. സിയ മാധ്യമപ്രവര്‍ത്തകര്‍ക്ക് നേരെ അശ്ലീല ആഗ്യം കാണിച്ചിട്ടില്ലെന്നും, മുറിവുണ്ടായ വിരല്‍ ഉയര്‍ത്തിപ്പിടിക്കുക മാത്രമാണ് ചെയ്തതെന്നും പിതാവ് പ്രവീണ്‍ ഗോയല്‍ വിശദീകരിച്ചു.

അതേസമയം പൂനെയില്‍ പ്രതിശ്രുത വരന്റെ കൊലപാതകത്തില്‍ നിര്‍ണായക വിവരങ്ങള്‍ പുറത്ത്. വിവാഹത്തിന് സിയ ഗോയല്‍ എതിരായിരുന്നു എന്ന് വ്യക്തമാവുന്ന ചാറ്റ് ആണ് പുറത്തുവന്നത്. വിവാഹ ചടങ്ങുകള്‍ക്ക് പോകാനുള്ള ടിക്കറ്റുകള്‍ ബുക്ക് ചെയ്യാനായി തിരിച്ചറിയല്‍ രേഖ ചോദിക്കുന്നതാണ് ചാറ്റ്. ഒരിക്കലും വിവാഹം നടക്കില്ലെങ്കിലും രേഖകള്‍ അയക്കു എന്ന് സിയ ചാറ്റില്‍ പറയുന്നുണ്ട്.

എന്നാല്‍ കോടതിയില്‍ കേസ് തോറ്റ് പോവാതിരിക്കാന്‍ തെളിവുകളാണ് വേണ്ടത്. ദൃക്‌സാക്ഷിയോ സിസിടിവി ദൃശ്യങ്ങളോ ഇല്ലാത്ത കേസില്‍ ശാസ്ത്രീയ തെളിവുകള്‍ ഉറപ്പാക്കുക പൊലീസിന് വെല്ലുവിളിയാണ്. ലോഹഗഡ് കോട്ടയിലേക്ക് മുംഖം മറച്ച് എത്തുന്ന ചേതന്റെ ദൃശ്യങ്ങള്‍ പൊലീസിന് കിട്ടിയിരുന്നു. ഇത് പ്രതി തന്നെയെനന് തെളിയിക്കാന്‍ ഫൊറന്‍സിക് ഗേറ്റ് അനാലിസിസും നടത്തിയിരുന്നു. പ്രതികളെ കോട്ടയിലേക്ക് എത്തിച്ചുള്ള തെളിവെടുപ്പ് പൂര്‍ത്തിയായി. എങ്ങനെ കൊല നടത്തിയെന്ന് പ്രതികള്‍ കാണിച്ച് കൊടുത്തു. ചേതന്‍ ചൌധരി സംഭവ സമയം ധരിച്ച വസ്ത്രങ്ങള്‍ പ്രതിയുടെ വീട്ടില്‍ നിന്ന് പൊലീസ് കണ്ടെടുക്കുകയും ചെയ്തു.