തിരുവനന്തപുരം: വയനാട് കള്ളാടിയില്‍ തുരങ്കപാതക്ക് സമീപം മണ്ണിടിഞ്ഞ സാഹചര്യത്തില്‍ തുരങ്കപാത നിര്‍മ്മാണം താല്‍ക്കാലികമായി നിര്‍ത്തിവെച്ചതായി മുഖ്യമന്ത്രി വി.ഡി സതീശന്‍. തുരങ്കപാതക്ക് നിര്‍മ്മാണ അനുമതി നല്‍കിയ സമയത്ത് കേന്ദ്ര സര്‍ക്കാര്‍ നല്‍കിയ കര്‍ശന നിയന്ത്രണങ്ങള്‍ നിര്‍മ്മാണ കമ്പനി പാലിച്ചോ എന്ന കാര്യത്തില്‍ പരിശോധന നടത്തുമെന്നും മുഖ്യമന്ത്രി വ്യക്തമാക്കി. ദുരന്തത്തില്‍ ഇരട്ട അന്വേഷണം നടത്തുമെന്നും മുഖ്യമന്ത്രി കൂട്ടിച്ചേര്‍ത്തു.

സാങ്കേതിക നിയമ പരിശോധന നടത്തുമെന്ന് പറഞ്ഞ മുഖ്യമന്ത്രി പാരിസ്ഥിതിക അനുമതി ലഭിച്ച വേളയില്‍ കേന്ദ്രം നല്‍കിയ നിര്‍ദ്ദേശങ്ങളും നിബന്ധനകളും പാലിച്ചാണോ കരാര്‍ കമ്പനി പണി നടത്തിയതെന്നതില്‍ പരിശോധന നടത്തുമെന്നും കൂട്ടിച്ചേര്‍ത്തു. ഈ രണ്ട് അന്വേഷണങ്ങള്‍ക്കും ശേഷം മാത്രമേ തുരങ്കപാത നിര്‍മ്മാണം പുനരാരംഭിക്കുകയുള്ളുവെന്നും മുഖ്യമന്ത്രി  വാര്‍ത്താ സമ്മേളനത്തില്‍ വ്യക്തമാക്കി. 

ALSO READ: തുരങ്കപാതയിലെ മണ്ണിടിച്ചില്‍: പ്രകൃതി ദുരന്തമെന്ന് കെ.ആര്‍.സി.എല്‍; കമ്പനിക്ക് ഒന്നും ചെയ്യാന്‍ കഴിയുമായിരുന്നില്ലെന്ന് വിശദീകരണം

അതിനിടെ, മണ്ണിടിച്ചിലില്‍ കാണാതായവര്‍ക്കായുള്ള തെരച്ചില്‍ ഊര്‍ജ്ജിതമായി തുടരുകയാണ്. അതിനിടെ, മഴ ശക്തമായതിന് പിന്നാലെ മേപ്പാടി കള്ളാടിയില്‍ വീണ്ടും മണ്ണിടിച്ചില്‍ ഉണ്ടാവുന്നതായി റിപ്പോര്‍ട്ടുണ്ട്. ചെറിയ തോതിലാണ് നിലവില്‍ മണ്ണിടിയുന്നതെങ്കിലും മഴ തുടര്‍ന്നാല്‍ മണ്ണിടിച്ചില്‍ രൂക്ഷമാവുമോ എന്ന ആശങ്കയിലാണ് രക്ഷാ പ്രവര്‍ത്തകര്‍. പ്രദേശത്ത് നിന്ന് ആളുകളെ മാറ്റിയിട്ടുണ്ട്. 

ഇന്നലെ രാവിലെ 11:15 ഓടെയാണ് നാടിനെ നടുക്കിയ ദുരന്തമുണ്ടായത്. മണ്ണിടിച്ചിലില്‍ മൂന്നുപേര്‍ക്ക് ജീവന്‍ നഷ്ടമായി. 
കള്ളാടി- ആനക്കാംപൊയില്‍ തുരങ്കപാത നിര്‍മാണം നടക്കുന്ന മീനാക്ഷിയിലെ പദ്ധതിപ്രദേശത്താണ് സംഭവം. മധ്യപ്രദേശ് സ്വദേശി ചന്ദ്രബാന്‍ (ഓപറേറ്റര്‍), ബിഹാറിലെ ബികാഷ് കുമാര്‍ (സിവില്‍ ഫോര്‍മാന്‍),  ജാര്‍ഖണ്ഡില്‍ നിന്നുള്ള അന്‍മോല്‍ (തൊഴിലാളി)എന്നിവരാണ് മരിച്ചത്. അഞ്ച് തൊഴിലാളികളെ കാണാതായി. മരിച്ചവരും കാണാതായവരും അതിഥി തൊഴിലാളികളാണ്. 

the kerala government has suspended tunnel construction in wayanad's kalladi after the landslide. the chief minister ordered dual investigations while search operations for the missing continue.