തൃശൂര്‍: കേരള കലാമണ്ഡലത്തിലെ താല്‍ക്കാലിക അധ്യാപക നിയമനത്തിനെതിരെ കോണ്‍ഗ്രസ് പ്രതിഷേധം. അധ്യാപക നിയമനത്തിനായുള്ള അഭിമുഖം നടത്താന്‍ അനുവദിക്കില്ലെന്ന് ചൂണ്ടിക്കാട്ടിയാണ് പ്രതിഷേധം. പ്രവര്‍ത്തകര്‍ വിസിയുടെ ഓഫീസിന് മുന്നില്‍ കുത്തിയിരുന്ന് പ്രതിഷേധിച്ചു. 

സാംസ്‌കാരിക വകുപ്പിന്റെ അനുമതി ഇല്ലാതെ കലാമണ്ഡലത്തില്‍ താല്‍ക്കാലിക അധ്യാപക നിയമനങ്ങള്‍ നടത്തുന്നുവെന്നാണ് കോണ്‍ഗ്രസിന്റെ പരാതി. 

അതേസമയം കോണ്‍ഗ്രസ് സമരത്തില്‍ പ്രതിഷേധിച്ച് സ്ഥാപനത്തിലെ വിദ്യാര്‍ഥികള്‍ രംഗത്തെത്തി. പഠിക്കാനുള്ള അവകാശത്തെ തടയുന്നുവെന്ന് വിദ്യാര്‍ഥികള്‍ കുറ്റപ്പെടുത്തി.