കൊച്ചി: ജില്ലാ ഭരണകൂടവും ജില്ലാ ടൂറിസം പ്രൊമോഷന്‍ കൗണ്‍സിലും ചേര്‍ന്നു നടത്തിവന്ന ഓണാഘോഷപരിപാടിയായാ ലാവണ്യം 2016 സമാപിച്ചു. ഒന്‍പത് സംഗീതോപകരണങ്ങളുടെ അകമ്പടിയില്‍ 14 ഗായകരെ വേദിയില്‍ അണിനിരത്തി സംഗീതസംവിധായകന്‍ ജെറി അമല്‍ദേവിന്റെ ഗാനസന്ധ്യയോടെയാണ് ലാവണ്യം സമാപിച്ചത്.
വൈകുന്നേരം ആറിന് ആരംഭിച്ച 'പ്രദക്ഷിണ' നൃത്തവിരുന്നില്‍ അപര്‍ണ മുരളീകൃഷ്ണന്‍, രേഷ്മ യു രാജ്, ഐശ്വര്യ തുടങ്ങിയവര്‍ കുച്ചുപ്പുടിയിലും ഭരതനാട്യത്തിലും വിസ്മയപ്രകടനം തീര്‍ത്തിരുന്നു. ആശാന്‍, ഉള്ളൂര്‍, വള്ളത്തോള്‍ എന്നിവര്‍ക്കുള്ള ശ്രദ്ധാഞ്ജലിയായി നടത്തിയ പരിപാടിയില്‍, കവിത്രയത്തിന്റെ കൃതികള്‍ തന്നെയാണ് നൃത്തത്തിനു വിഷയമായത്.
ഫോര്‍ട്ട്‌കൊച്ചി വാസ്‌കോഡഗാമ സ്‌ക്വയറില്‍ ഇന്നലെ വൈകുന്നേരം ആറു മുതല്‍, പനയില്‍ ഗോപാലകൃഷ്ണന്റെ വേലകളിയും ഭാരത് ഭവന്‍ - തിരുവനന്തപുരത്തിന്റെ നേതൃത്വത്തില്‍ 'ഭാരതീയ രംഗോത്സവ്' എന്ന നൃത്തപരിപാടിയും അരങ്ങേറിയപ്പോള്‍, കെ.എസ് പ്രസാദും സംഘവും അവതരിപ്പിച്ച 'ടൈം മെഷീന്‍ കോമഡി മെഗാ ഷോ' ഭൂതത്താന്‍കെട്ട് പാര്‍ക്കിലെ വേദിക്കും ഉത്സവഛായ പകര്‍ന്നു.
ചെറായി ബീച്ച് ഓഡിറ്റോറിയത്തില്‍ യുവജന ചവിട്ടുനാടക കലാസമിതിയുടെ ചവിട്ടുനാടകവും ഇന്നലെ ക്രമീകരിച്ചിരുന്നു. ഭൂതത്താന്‍കെട്ട് പാര്‍ക്കിലെ വേദിയില്‍ ഹംസധ്വനി ഓര്‍ക്കെസ്ട്ര ചിട്ടപ്പെടുത്തുന്ന ജോണ്‍സണ്‍ മാജിക്കല്‍ മെലഡി നൈറ്റ് നാളെ വൈകുന്നേരം ആറിന് അരങ്ങറും.
അഞ്ചു നാള്‍ നീï കലാസന്ധ്യ, പതിവിലും വ്യത്യസ്തമായുള്ള ജനപങ്കാളിത്തം കൊïും അവതരണമികവുകൊïും ശ്രദ്ധേയമായിരുന്നു. ജനപ്രതിനിധികളുടെ പ്രതിനിധികളടങ്ങുന്ന കമ്മിറ്റി, പരിപാടികള്‍ തെരഞ്ഞെടുക്കുന്നതിലും സുതാര്യത ഉറപ്പുവരുത്തുന്നതിലും ശ്രദ്ധവരുത്തുകയും ചെയ്തു.
ജില്ലാ കിക്ടര്‍ കെ.മുഹമ്മദ് വൈ സഫീറുള്ള ഐ.എ.എസ് ചെയര്‍മാനായ ഡി.ടി.പി.സിക്കു വേïി എ.ഡി.എം പ്രകാശും ഫൈനാന്‍സ് ഓഫീസര്‍ അജി കൊള്ളന്നൂരും ഡി.ടി.പി.സി ജനറല്‍ മാനേജര്‍ വിജയകുമാറുമടങ്ങുന്ന നേതൃത്വമാണ് 'ലാവണ്യം' പരിപാടികള്‍ ഏകോപിപ്പിച്ചത്.