കോട്ടയം: മത്സ്യത്തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്തിട്ടുളളവരുടെ മക്കള്‍ക്ക് സംസ്ഥാന മത്സ്യവകുപ്പ് മത്സര പരീക്ഷ പരിശീലനം നല്‍കുന്നു. ബാങ്ക്, പി.എസ്.സി പരീക്ഷ പരിശീലനത്തിന് അപേക്ഷിക്കുന്നവര്‍ക്ക് ബിരുദതലത്തില്‍ 60 ശതമാനം മാര്‍ക്കും സിവില്‍ സര്‍വ്വീസ് പരിശീലനത്തിന് അപേക്ഷിക്കുന്നവര്‍ക്ക് ബിരുദതലത്തില്‍ 75 ശതമാനം മാര്‍ക്കും ഉണ്ടായിരിക്കണം. അപേക്ഷാ ഫോറവും വിശദവിവരങ്ങളും ജില്ലാ ഫിഷറീസ് ഓഫീസില്‍ ലഭിക്കും. പൂരിപ്പിച്ച അപേക്ഷാ ഫോറം 20 നകം നല്‍കണം.