കോഴിക്കോട്:  വഖ്ഫ് ബോര്‍ഡുമായി ബന്ധപ്പെട്ട് വന്ന കോടതി വിധിയില്‍ സര്‍ക്കാറിന്റെ അഭിഭാഷകന്‍ ഹരജിക്കാരന് കൂട്ടുനിന്നുവെന്ന പ്രതിപക്ഷ ആരോപണത്തെ തള്ളി മുസ് ലിം ലീഗ് നേതാവ് പി.എം.എ. സലാം.

'വഖ്ഫ് ബോര്‍ഡില്‍  മറ്റുള്ള സമുദായങ്ങളില്‍ നിന്നുള്ളവരെ പറ്റില്ലെന്ന നിലപാട് തുടരും. വഖ്ഫ് ബോര്‍ഡിനെ സംബന്ധിച്ച് കേരള ഹൈക്കോടതിയില്‍ വന്നത് നാലുകേസുകളാണ്.  ശിയാസമുദായം തങ്ങളുടെ പ്രതിനിധിയെ വെച്ചിട്ടില്ലെന്ന കേസ്, ബോറ സമുദായം തങ്ങളുടെ പ്രതിനിധികളെ വെച്ചിട്ടില്ലെന്ന കേസ്, സാങ്കേതികമായി ഇതിന്റെ രൂപീകരണം തെറ്റാണ് എന്ന കേസ്, അമുസ് ലിം പ്രതിനിധികളെ വെച്ചിട്ടില്ലെന്ന് പറഞ്ഞ് ഷോണ്‍ജോര്‍ജ് നല്‍കിയ കേസ്. ഇതെല്ലാം ഒരുമിച്ചാണ് കോടതി പരിഗണിക്കുന്നത്. 

ഇതിന്റ രൂപീകരണവുമായി ബന്ധപ്പെട്ട് പ്രശ്‌നങ്ങള്‍ ഉണ്ടെങ്കില്‍ പരിശോധിക്കാമെന്നാണ് സര്‍ക്കാര്‍ കോടതിയില്‍ പറഞ്ഞിരിക്കുന്നത്. അല്ലാതെ രണ്ട് അമുസ് ലിം പ്രതിനിധികളെ വെയ്ക്കാന്‍ തയ്യാറാണെന്ന് പറഞ്ഞിട്ടില്ല. തമിഴ്‌നാട് വഖ്ഫ് ബോര്‍ഡ് പിരിച്ചുവിട്ടതുമായി ബന്ധപ്പെട്ട് സുപ്രിംകോടതിയില്‍ അപ്പീല്‍ നിലനില്‍ക്കുന്നുണ്ട്. അതിന്റെ വിധികള്‍ വരാനുണ്ട്. ഇതിന്റെ അടിസ്ഥാനത്തില്‍ രാജ്യത്തെ നീതിന്യായ വ്യവസ്ഥക്ക് അനുസൃതമായി തീരുമാനങ്ങള്‍ ആണ് സര്‍ക്കാറെടുക്കുക.

പാര്‍ലമെന്റില്‍ ഈ ബില്ല് വന്ന സമയത്ത് ലീഗ് അതിശക്തമായ നിലപാട് സ്വീകരിച്ചിട്ടുണ്ട്. ഒരു മതത്തിന്റെ മതപരമായ കാര്യത്തില്‍ മറ്റു മതവിഭാഗങ്ങള്‍ക്ക് അവസരം കൊടുക്കുന്നത് ശരിയല്ല എന്ന ലീഗിന്റെ വാദം എന്നും ഉണ്ടാകും''  പി.എം.എ. സലാം പറഞ്ഞു 

ALSO READ: പ്രവര്‍ത്തന നിയന്ത്രണം; ഹൈക്കോടതി വിധിക്കെതിരെ സംസ്ഥാന വഖഫ് ബോര്‍ഡ് സുപ്രിംകോടതിയില്‍

അതേ സമയം, ലീഗിലെ മന്ത്രിമാരെ  കുറിച്ച് പാര്‍ട്ടിക്ക് വിമര്‍ശനമില്ലെന്നും തുടങ്ങിയിട്ടല്ലേയുള്ളൂവെന്നും പ്രവര്‍ത്തിക്കാന്‍ സമയം കൊടുക്കണമെന്നും അദ്ദേഹം പറഞ്ഞു.

Indian Union Muslim League (IUML) leader P.M.A. Salam has rejected the Opposition's allegation that the government counsel colluded with the petitioner in the court verdict regarding the Waqf Board."The stance that people from other communities cannot be allowed in the Waqf Board will continue. Regarding the Waqf Board, four cases came up before the Kerala High Court—a case stating that the Shia community has not appointed its representative, another stating the Ora (Ahmedia) community has not appointed theirs, a case claiming that its formation has not technically taken place, and a case filed by Shaun George stating that non-Muslim representatives have not been appointed