ചങ്ങനാശേരി: 'ഓപ്പറേഷന്‍ തണ്ടര്‍' പരിശോധനയുടെ ഭാഗമായി ചങ്ങനാശേരിയില്‍ വന്‍ ലഹരിമരുന്ന് വേട്ട. സ്റ്റേഡിയത്തിന് സമീപത്തെ വാടകവീട്ടില്‍ നിന്ന് 0.52 ഗ്രാം എം.ഡി.എം.എയും 11 ഗ്രാം കഞ്ചാവും എക്‌സൈസ് സംഘം പിടിച്ചെടുത്തു. സംഭവവുമായി ബന്ധപ്പെട്ട് തൃക്കൊടിത്താനം പൊട്ടശേരി സ്വദേശി ജെസ്സിം ജലാലിനെയും ഭാര്യ ബിസ്മിയ കാസിമിനെയും അറസ്റ്റ് ചെയ്തു.

വീട്ടിലെ എസിക്കുള്ളില്‍ അതീവ രഹസ്യമായി ഒളിപ്പിച്ച നിലയിലായിരുന്നു ലഹരിമരുന്ന് കണ്ടെത്തിയത്. എക്‌സൈസ് സംഘത്തിന് ലഭിച്ച രഹസ്യവിവരത്തിന്റെ അടിസ്ഥാനത്തിലായിരുന്നു മിന്നല്‍ പരിശോധന.

ALSO READ: ഉമ്മന്‍ചാണ്ടി ഇരുന്ന അതേ കസേരയില്‍ ഇരിക്കുമ്പോള്‍ അദ്ദേഹത്തെ പോലെ ആകാനാണ് ശ്രമിക്കുന്നത് - വി.ഡി. സതീശന്‍ 

ചങ്ങനാശേരി എക്‌സൈസ് സര്‍ക്കിള്‍ ഇന്‍സ്‌പെക്ടര്‍ എസ്.ബി. ആദര്‍ശിന്റെ നേതൃത്വത്തില്‍ എ.എസ്.ഐമാരായ ഉണ്ണിക്കൃഷ്ണന്‍, ബിനോയ് കെ. മാത്യു, എം. നൗഷാദ്, പ്രിവന്റീവ് ഓഫീസര്‍ ടി. സന്തോഷ്, വനിതാ സിവില്‍ എക്‌സൈസ് ഓഫീസര്‍മാരായ എ. ഷീബ, നിത്യ വി. മുരളി എന്നിവരടങ്ങിയ സംഘമാണ് പരിശോധന നടത്തി ലഹരിമരുന്ന് പിടിച്ചെടുത്തത്. കേസില്‍ കൂടുതല്‍ അന്വേഷണം തുടരുകയാണെന്ന് എക്‌സൈസ് അറിയിച്ചു.

As part of 'Operation Thunder' checks, a major drug bust took place in Changanassery. The Excise team seized 0.52 grams of MDMA and 11 grams of cannabis from a rented house near the stadium.