ചെന്നെ: രാജ്യത്തെ ആദ്യത്തെ സ്വകാര്യ ബഹിരാകാശ റോക്കറ്റ് വിക്രം-1 വിജയകരമായി വിക്ഷേപിച്ചു. ശ്രീഹരിക്കോട്ടയിലെ സതീഷ് ധവാന്‍ സ്‌പേസ് സെന്ററിലെ ഒന്നാമത്തെ വിക്ഷേപണത്തറയില്‍ നിന്ന് 12.5 നാണ് വിക്ഷേപിച്ചത്. നേരത്തെ 11.30 നായിരുന്നു വിക്ഷേപിക്കാന്‍ തീരുമാനിച്ചിരുന്നത്. എന്നാല്‍ സാങ്കേതിക പ്രശ്‌നങ്ങളെ തുടര്‍ന്ന് സമയം മാറ്റി വെയ്ക്കുകയായിരുന്നു. വിക്ഷേപണത്തിന് അഞ്ച് മിനിറ്റ് മാത്രം ബാക്കി നില്‍ക്കേയാണ് കൗണ്‍ ഡൗണ്‍ നിര്‍ത്തി വെച്ചത്.

ഹൈദരാബാദ് ആസ്ഥാനമായ സ്‌കൈറൂട്ട് എയ്‌റോ സ്‌പേസ് നിര്‍മിച്ച വിക്രം-1, ഡോ. വിക്രം സാരാഭായ്, സി.വി. രാമന്‍, ഡോ. എ.പി.ജെ.അബ്ദുള്‍ കലാം എന്നിവരുടെ മിനിയേച്ചര്‍ ശില്‍പങ്ങളും കൊണ്ടുപോകും. വിക്ഷേപണ വാഹനത്തിനും എന്‍ജിനും ഇവരുടെ പേരുകളാണ് നല്‍കിയിരിക്കുന്നത്.  
ആദ്യ ദൗത്യത്തില്‍ ഭൂമിയില്‍ നിന്ന് 450 കിലോമീറ്റര്‍ അകലെ എത്താനാണ് റോക്കറ്റ് ലക്ഷ്യമിടുന്നത്. ആദ്യ പരീക്ഷണ ദൗത്യമായതിനാല്‍ വലിയ ഉപഗ്രഹങ്ങളൊന്നും ഇത്തവണ അയക്കുന്നില്ല. 

ഇന്‍സ്‌പേസിന്റെ പിന്തുണയോടെയാണ് വിക്ഷേപണം.ഇതുവരെ ഇന്ത്യയില്‍ ഐ.എസ.്ആര്‍.ഒ വികസിപ്പിച്ച റോക്കറ്റിലായിരുന്നു രാജ്യത്തിന്റെ ഉപഗ്രഹ വിക്ഷേപണങ്ങള്‍. എന്നാല്‍ 'മിഷന്‍ ആഗമനി'ലൂടെയാണ് ഇതിന് മാറ്റം വരുന്നത്. സ്വകാര്യ കമ്പനികള്‍ ഇത്തരത്തില്‍ നിര്‍മിക്കുന്ന ഉപകരണങ്ങള്‍ ബഹിരാകാശത്ത് എത്തിക്കും. വിജയകരമായ ദൗത്യത്തിന് പിറകിൽ പ്രവർത്തിച്ചവരെ പ്രധാനമന്ത്രി നരേന്ദ്രമോദി ഫോണിൽ വിളിച്ച് അഭിനന്ദിച്ചു. രാജ്യത്തെ യുവാക്കൾക്ക് പ്രചോദനമാണെന്ന് അദ്ദേഹം പറഞ്ഞു.

The country’s first private space rocket, Vikram-1, has been successfully launched. The launch took place at 12:50 PM from the first launch pad of the Satish Dhawan Space Centre in Sriharikota. The launch was initially scheduled for 11:30 AM but was postponed due to technical issues. The countdown had to be halted with just five minutes remaining for the launch.Developed by the Hyderabad-based startup Skyroot Aerospace, Vikram-1 will also carry miniature sculptures of Dr. Vikram Sarabhai, C.V. Raman, and Dr. A.P.J. Abdul Kalam. The launch vehicle and its engines have been named after them.