കൊല്ലം: രണ്ട് അമുസ്‌ലിംകളെ വഖഫ് ബോർഡിൽ നിയമിക്കാനുള്ള സർക്കാർ തീരുമാനം പ്രതിഷേധാർഹമാണെന്ന് കേരള മുസ്‌ലിം ജമാഅത്ത് ഫെഡറേഷൻ സംസ്ഥാന കമ്മിറ്റി. കേന്ദ്രസർക്കാർ കൊണ്ടുവന്ന നിയമ ഭേദഗതി ഭരണഘടനാ വിരുദ്ധവും ശരിഅത്ത് വിരുദ്ധവുമാണെന്നിരിക്കേ അത്തരം തീരുമാനങ്ങൾ അടിച്ചേൽപ്പിക്കാനുള്ള  നടപടികൾ അംഗീകരിക്കാൻ ആവില്ല. ഇക്കാര്യത്തിൽ തമിഴ്‌നാട് സർക്കാർ കാണിച്ച ജനാധിപത്യ മര്യാദയെങ്കിലും സർക്കാർ കാണിക്കണമായിരുന്നുവെന്നും യോഗം വിലയിരുത്തി. മുസ്‌ലിം സമുദായത്തിന്റെ ആശങ്കകൾ  മുഖ്യമന്ത്രിയുമായി നേരിൽ കണ്ടു ചർച്ച നടത്താനും യോഗം തീരുമാനിച്ചു. വർക്കിങ് പ്രസിഡന്റ് മുഹമ്മദ് സക്കീർ അധ്യക്ഷനായി.