കൊച്ചി : എറണാകുളം ഹൈക്കോര്‍ട്ട് കവലയില്‍ ലാലന്‍ ടവറിനു സമീപം മദ്യലഹരിയില്‍ സുഹൃത്തിനെ പൊട്ടിയ കുപ്പിക്കൊണ്ട് കുത്തി കൊലപ്പെടുത്താന്‍ ശ്രമിച്ചശേഷം ഒളിവില്‍ പോയ ആളെ സെന്‍ട്രല്‍ പൊലിസ് കസ്റ്റഡിയില്‍ എടുത്തു.
കൊല്ലം പളളിത്തോട്ടം സെഞ്ച്വറി ലെയിനില്‍ ജോര്‍ജിന്റെ മകന്‍ ക്രിസ്റ്റഫര്‍ എന്ന കുഞ്ഞുമോന്‍ (59) ആണ് പിടിയിലായത്.
അസിസ്റ്റന്റ് പൊലിസ് കമ്മീഷണര്‍ കെ ലാല്‍ജിയുടെ നിര്‍ദേശ പ്രകാരം സി ഐ അനന്തലാലും സംഘവുമാണ് പ്രതിയെ അറസ്റ്റ് ചെയ്തത്.
ഈരാറ്റുപേട്ട സ്വദേശി ഡോവിഡിനാണ് കുത്തേറ്റത്. സുഹൃത്തുക്കളായ ഇവര്‍ തിരുവോണനാളില്‍ മദ്യപിക്കുന്നതിനിടയില്‍ വാക്കേറ്റം നടത്തിയതാണ് കുത്തി പരുക്കേല്‍പ്പിക്കാന്‍ ഇടയാക്കിയത്.
ഗുരുതര പരുക്കേറ്റ ഡോവിഡ് മെഡിക്കല്‍ കോളജില്‍ ചികിത്സയിലാണ്.