പള്ളിക്കല്‍: ഇരുചക്ര വാഹന യാത്രക്കാര്‍ ഹെല്‍മറ്റ് ധരിക്കേണ്ടതിന്റെ ആവശ്യകത ബോധ്യപ്പെടുത്തുന്നതിനായി പുത്തൂര്‍ പള്ളിക്കല്‍ വി.പി.കെ.എം.എം ഹയര്‍ സെക്കന്‍ഡറി സ്‌കൂളിലെ സ്‌കൗട്ട് യൂനിറ്റിന്റെ ആഭിമുഖ്യത്തില്‍ കാലിക്കറ്റ് സര്‍വകലാശാലാ പരിസരത്തുനിന്നു റോഡ്‌ഷോ നടത്തി. തേഞ്ഞിപ്പലം പൊലിസ് അസി.സബ് ഇന്‍സ്‌പെക്ടര്‍ ഉദയകുമാര്‍ ഫ്‌ളാഗ് ഓഫ് ചെയ്തു. അധ്യാപകരായ സി.കെ നസീര്‍, പി.കെ ഷബീറലി, അനീസ് പള്ളിമുക്ക്, വി.പി അഹമ്മദ് മുബശ്ശിര്‍ നേതൃത്വം നല്‍കി.