ബാലാസോര്‍ (ഒഡിഷ): ഇന്ത്യ- യു.എസ് സംയുക്ത സംരംഭമായ ദീര്‍ഘദൂര ഭൂതല ആകാശ മിസൈലിന്റെ പരീക്ഷണം നടന്നു. വ്യോമയാന പ്രതിരോധ ശക്തി വര്‍ധിപ്പിക്കുന്നതിന്റെ ഭാഗമായാണ് ഇരുരാജ്യങ്ങളും ചേര്‍ന്നത്. മിസൈലിന്റെ പരീക്ഷണ വിക്ഷേപണം വിജയകരമായിരുന്നുവെന്ന് അധികൃതര്‍ വെളിപ്പെടുത്തി. ഒഡിഷയിലെ പ്രതിരോധ ആസ്ഥാനത്തു നിന്നാണ് മിസൈല്‍ വിക്ഷേപിച്ചത്. മിസൈല്‍ കൂടാതെ ബഹുതല നിരീക്ഷണ സംവിധാനങ്ങളും മിസൈലിന്റെ മാര്‍ഗം മനസിലാക്കാനും മുന്നറിയിപ്പുകള്‍ നല്‍കാനും സഹായിക്കുന്ന റഡാര്‍ (എം.എഫ് സ്റ്റാര്‍) ഇതില്‍ ഉള്‍പ്പെടും. ആകാശത്തു വച്ചുണ്ടാകുന്ന ഏതു ഭീഷണിയെയും നേരിടാനും ഇതു സഹായമാകും. ഇനിയും പരീക്ഷണ വിക്ഷേപണങ്ങളുണ്ടാകുമെന്ന് അധികൃതര്‍ അറിയിച്ചു.